Այս կինն անգամ գաղափար չուներ, թե ով է իրականում իր ամուսինը, ում հետ նա արդեն 10 տարի ամուսնացած էր. Սակայն, մի օր նրանց դուռը թակեց ոստիկանությունը և հայտնեց ամենասարսափելին․․․

Եկատերինբուրգում ապրող Սվետլանան 10 տարի համատեղ կյանքից հետո հանկարծ պարզեց, որ ապրում է Եվրոպայի ամենավտանգավոր հանցագործներից մեկի հետ, ով նախկինում հայտնի էր «խելագար մսագործ» մականունով: Ոչ ծանոթները, ոչ հարեւանները նույնիսկ գուշակել անգամ չէին կարող, որ լուրջ և աշխատասեր ֆերմերը նախկինում մարդասպան է եղել, իսկ ոստիկանությունն էլ փնտրում է նրան մի քանի երկրներում:

Լիտվիացի Ռոմաս Զամոլսկիսը հատկապես հայտնի է Բալթյան երկրների իրավապահներին: Նա իր առաջին հանցագործությունը կատարել էր 16 տարեկանում: Նա Վիլնյուսում խանութ է թալանել: Դրանից հինգ տարի անց ամանորի նախօրեին սպանել էր ընկերոջը: 90-ականների վերջում Զամոլսկիսը հայտնի դարձավ ինկասացիայի մեքենաների վրա հարձակումներ կատարելով: Հանցագործը չէր խնայել ոչ աշխատողներին, ոչ էլ ոստիկաններին և դատարկել էր զենքի ողջ պարունակությունը նրանց ուղղությամբ:

Նրա անունը թնդում էր ամբողջ Եվրոպայում: Միևնույն ժամանակ, Զամոլսկիսին չէին կարողանում բռնել։ Նա տարբեր քաղաքներում թաքնվում էր ոստիկանությունից, իսկ նրա հանցագործությունների փաստով գրեթե վկաներ չկային, քանի որ նա վկաներ պարզապես չէր էլ թողնում:

2001թ.-ին լիտվական անվտանգության ուժերը վերջապես պարզեցին, «մսագործ»-ի ապրելու վայրը: Եվ, երբ ոստիկանությունը կոտրեց նրա տան դուռը ու մտավ բնակարան, Ռոմասը միարժամանակ երկու ատրճանակներից կրակելով, դուրս թռավ երրորդ հարկի պատուհանից: Զամոլսկիսին այս անգամ էլ հաջողվեց փախչել: Կեղծ փաստաթղթերով «խելագար մսագործը» եկավ Ռուսաստան: Նա ընտրեց Եկատերինբուրգը որպես բնակության վայր: Նրա տեղափոխումը կազմակերպեցին տեղի քրեական հեղինակությունները, ինչպես նաև նրա լիտվիացի ընկերները: Տղամարդը փոխեց նաև անուն ազգանունը:

Առաջին անգամ, տեղական հանցագործների հետ կապեր հաստատելով, Զամոլսկիսը սկսեց զբաղվել այն նույն գործով ինչով հայտնի էր Լիտվիայում: Ըստ Ուրալի ոստիկանների, նա մեղադրվում է երեք գողության, զենքի ապօրինի շրջանառության, կողոպուտի և տեղական գործարարներից մեկի մահափորձի մեջ։ Բարեբախտաբար վերջինիս հաջողվել էր փրկվել ու փրկել նաև ընտանիքի անդամներին։

Զամոլսկիսը գործարարի բնակարանում նռնակ էր պայթեցրել:

Երկու տարի անց Զամոլսկիսն որոշում է թողնել անցյալը:

Նա տարածաշրջանում հողամաս է գնում և սկսում զբաղվել հողագործությամբ: Եկատերինբուրգ կատարած այցերից մեկի ժամանակ նա հանդիպում է Սվետլանային: Ըստ կնոջ, ամուսինը իր անցյալից պատմել էր միայն մանկատանը մեծանալու և ծնողների ավտովթարից մահանալու մասին: Սվետլանան ոչինչ չկասկածելով թողել էր իր աշխատանքը և տեղափոխվել նրա մոտ ապրելու: Չորս տարի անց ծնվել է նրանց աղջիկը, իսկ երկու տարի հետո՝ որդին: Ամուսինները լայնածավալ գյուղատնտեսություն էին վարում, կարտոֆիլ և ցորեն էին ցանում, զբաղվում թռչնաբուծությամբ:

Այս տարիների ընթացքում ռուսական և լիտվական ոստիկանությունը շարունակում էր փնտրել Զամոլսկուն: Նրա անունը նշված էր Ինտերպոլի բազաներում, որպես Եվրոպայի ամենավտանգավոր հանցագործներից մեկի: Հետախուզվող լիտվացին շատ պատահական մատնեց իրեն՝ կեղծ անձնագրով գնացք նստելիս: Այնտեղ նա գրավեց իրավապահ մարմինների ուշադրությունը, որոնք էլ նրան հետևեցին մինչև ֆերմա: Հանցագործին ձերբակալելու օպերացիան վստահվեց միայն պրոֆեսիոնալ հատուկ ջոկատայիններին: Նրանք շրջապատեցին ֆերման, բայց տղամարդը նորից կարողացավ փախչել՝ այս անգամ դեպի անտառ:

Որոշ ժամանակ նա թաքնվում էր Եկատերինբուրգի մոտակայքում գտնվող անտառներում: Նա պարբերաբար զանգահարում էր կնոջը տարբեր հեռախոսահամարներից:

Այդ ընթացքում Սվետլանային այցելեցին պարտատերերը: Ընտանիքը ծանր ֆինանսական վիճակում էր: Կինը միայնակ չէր կարողանում հոգալ ֆերմայի և երեխաների մասին: Իսկ, երբ Սվետլանան այլևս գումար չուներ նույնիսկ երեխաների համար հագուստ գնելու, Զամոլսկիսը հաշվի չառնելով վտանգը սկսեց շինարարությամբ գումար աշխատել և փոխանցել կնոջը: Որոշ ժամանակ անց նա կրկին տեղափոխվեց ընտանիքի մոտ ապրելու, որտեղ էլ նրան ձերբակալեցին:

Վերջին երկու տարիների ընթացքում Սվետլանան փորձել է լրատվամիջոցների միջոցով ապացուցել, որ ամուսինը այն մարդը չէ, ում փնտրում է Ինտերպոլն ու ռուսական ոստիկանությունը: Նա չի հավատում հանցագործություններին, որոնցում մեղադրվում է Զամոլսկիսը: Կինը նշել է նաև, որ ինքը պատրաստ է սպասել ամուսնուն:

Դատվածության երրորդ տարվա օգոստոսին նրանք դարձան պաշտոնական ամուսիններ: Մինչդեռ նրանց վերամիավորումը, ամենայն հավանականությամբ, երբեք չի հաջողվի: Ռուսաստանում Զամոլսկիսը դատապարտվեց 16 տարվա ազատազրկման: Ժամկետը լրանալուց հետո նա կհանձնվի Լիտվիային, որտեղ նրան սպասվում է ցմահ ազատազրկում:

Այս թեմայով Շատ շուտով ձեր կողքին կլինեմ․ Արթուր Ասատրյանը իր մերձավորների հետ վերադառնում է Հայաստան Վայքում երեք տղաներ, տեսնելով կնոջը սեռական հարաբերություն ունենալու պահին, պահանջել են, որ իրենց ևս «սպասարկի» Օրվա կադր. Կրթության նախարարը մետրոյով տուն է գնում Ես գալիս եմ այս պաշտոնին ունենալով հստակ պատկերացումներ. Առողջապահության նախարարը կոչով դիմել է հանրությանը (տեսանյութ) «Եթե զուգարանում թուղթ չլինի, քո դեմքով եմ սրբվելու». երիտասարդը ինտերնետ ակումբում դանակով հարձակվել է աշխատողի վրա