41 երկրում 11 հազար աշխատակից ունեցող ընկերությունը կզբաղվի Հայաստանի սուվերեն վարկանիշով. «Փաստ»

«Փաստ» օրաթերթը գրում է.

Օրերս ՀՀ էներգետիկ ենթակառուցվածքների և բնական պաշարների նախարար Աշոտ Մանուկյանն ընդունել է «Մուդիզ» (Moodyÿs Investors Services) միջազգային վարկանիշային կազմակերպության նախագահի տեղակալ Մարտին Փեթչի գլխավորած պատվիրակությանը, որը Հայաստանում է մեր երկրի սուվերեն վարկանիշի հերթական վերանայման գործընթացի շրջանակներում: Նախարարը բարձր է գնահատել կազմակերպության առաքելությունն ու առկա փոխգործակցությունը, հյուրերի խնդրանքով ներկայացրել էներգետիկայի, հանքարդյունաբերության ոլորտներում իրականացվող բարեփոխումները, զարգացման հիմնական ցուցանիշներն ու հեռանկարները:

Միաժամանակ նա անդրադարձել է հանքարդյունաբերության ոլորտում իրականացված աշխատանքներին, մասնավորապես՝ երկրաբանական ֆոնդի թվայնացման և էլեկտրոնային հարթակներում տեղեկատվության հասանելիության ապահովման, փոքր հանքերի կառավարման արդյունավետության բարձրացմանն ուղղված ծրագրերին, ինչպես նաև ներկայացրել ոլորտում իրականացվող օրենսդրական փոփոխություններն ու քաղաքականության առաջնահերթությունները:

Իսկ ի՞նչ ընկերություն է «Մուդիզ»–ը:

Ընկերության պաշտոնական կայքում՝ www.moodys.com–ում, ասված է, որ այն համարվում է կապիտալի համաշխարհային շուկաների կարևորագույն բաղադրիչը՝ ներկայացնելով վարկային վարկանիշներ, հետազոտություններ, գործիքներ ու վերլուծություններ, որոնք էլ իրենց հերթին նպաստում են թափանցիկ և ինտեգրված ֆինանսական շուկաների ստեղծմանը:

«Մուդիզ»–ը համարվում է Moodyÿs Investors Service–ի մայր կազմակերպությունը, որը տրամադրում է վարկանիշներ ու ուսումնասիրություններ պարտքերի ու արժեթղթերի վերաբերյալ:

Բացի այդ, մայր կազմակերպությունը առաջարկում է նաև առաջատար ծրագրային արտադրանք, խորհրդատվական ծառայություններ և վարկային, տնտեսական վերլուծության ու ֆինանսական ռիսկի կառավարման հետազոտություններ: 2016 թ. ընկերության եկամուտները կազմել են 3 միլիարդ 600 միլիոն դրամ, իսկ աշխարհի 41 երկրներում այն ունի շուրջ 11 հազար 700 աշխատակից:

Ընկերությունը օգնում է ռիսկի մասնագետներին բոլոր ոլորտներում վստահորեն արձագանքել շուկայի զարգացմանը: Իրենց աշխատակիցների ծրագրերի վերաբերյալ ունեցած գիտելիքները թույլ են տալիս կապիտալի շուկաներում ազատորեն գործել ու ավելի հստակ գնահատել, ղեկավարել ու վերահսկել ռիսկը:

2008 թ. Moodyÿs Analytics–ը ձևավորվեց որպես Moodyÿs Investors Service–ի առանձին ու անկախ գործող դուստր ընկերություն: Այն դարձավ Moodyÿs Investors Service–ի վարկանիշների, բովանդակության և հետազոտությունների բացառիկ առևտրային դիստրիբյուտորը:

Moodyÿs Analytics– ը աճեց որոշումների դաշտում կատարվող նորարարությունների և ռազմավարական ձեռքբերումների շնորհիվ: Ըստ կայքում առկա տեղեկատվության՝ շուկայի բազմաթիվ առաջատար ընկերություններ միացել են իրենց «ճամփորդությանը», որպեսզի ապահովեն համաշխարհային ֆինանսական շուկան ռիսկերը ղեկավարելու գործիքներով ու համաշխարհային կարգի գիտելիքներով:

Շարունակությունը՝ «Փաստ» օրաթերթի այսօրվա համարում