Հաղորդավարուհի Դինա Ակոպովնան ԱՄՆ-ում մեղադրվել է խարդախությունների ու փողերի լվացման համար

Հայաստանում հայտնի հաղորդավարուհի Դինա Ակոպովնային ԱՄՆ-ում մեղադրանք է առաջադրվել ԱՄՆ մուտքի արտոնագրերի հետ կապված խարդախություններ կատարելու և փողերի լվացման համար: Այդ մասին Aysor.am-ը տեղեկանում է ԱՄՆ Արդարադատության նախարարության կայքից:

Ըստ պաշտոնական հաղորդագրության, ԱՄՆ-ում հայտնաբերվել է վիզայի հետ կապված խարդախության մեջ մեղադրվող երեք հայ:

Նրանք, ենթադրաբար, ՀՀ քաղաքացիներին ապահովել են պարի կեղծ վկայագրերով, տրամադրել ազգային կոստյումներով բեմականացված լուսանկարներ, որոնք կբավարարեին «P-3» տեսակի ԱՄՆ մուտքի վիզա ստանալու համար: Վերջինս նախատեսված է արտիստների համար:

47-ամյա Ստելլա Բոյաջյանը Նյու Յորքից, 30-ամյա Հրաչյա Աթոյանը Գլենդելից և 41-ամյա Դիանա Գրիգորյանը ՀՀ-ից, ով հայտնի է նաև Դինա Ակոպովնա անունով, Բրուքլինի դաշնային դատարանում 15 կետով մեղադրվել են ԱՄՆ մուտքի արտոնագրի հետ կապված խարդախությունների համար: Ըստ մեղադրական եզրակացության, վերոնշյալ երեք անձինք խարդախություններով օգնել են արտասահմանցիներին մուտք գործել ԱՄՆ:

Ստելլա Բոյաջյանն ու Դիանա Ակոպովնան մեղադրվում են նաև փողերի լվացման համար, իսկ Բոյաջյանին մեղադրանք է առաջադրվել նաև անձնական տվյալների գողության համար:

Այս թեմայով Շատ շուտով ձեր կողքին կլինեմ․ Արթուր Ասատրյանը իր մերձավորների հետ վերադառնում է Հայաստան Վայքում երեք տղաներ, տեսնելով կնոջը սեռական հարաբերություն ունենալու պահին, պահանջել են, որ իրենց ևս «սպասարկի» Օրվա կադր. Կրթության նախարարը մետրոյով տուն է գնում Ես գալիս եմ այս պաշտոնին ունենալով հստակ պատկերացումներ. Առողջապահության նախարարը կոչով դիմել է հանրությանը (տեսանյութ) «Եթե զուգարանում թուղթ չլինի, քո դեմքով եմ սրբվելու». երիտասարդը ինտերնետ ակումբում դանակով հարձակվել է աշխատողի վրա