Միլիոններ՝ կահույք, ղեկավարի բազկաթոռ ու աթոռ գնելու համար. «Փաստ»

«Փաստ» օրաթերթը գրում է.

Հանրային միջոցների ու սեփականության կառավարման ոլորտում չարաշահումները կանխելու ու դրանց օգտագործման արդյունավետությունը բարձրացնելու առաքելությունը որդեգրած ՀՀ վերասհկիչ պալատը 2018 թվականի համար հետաքրքրական ու շռայլ պետական գնումների ցանկ է ներկայացրել:

Վերահսկիչ պալատն այս տարի ի թիվս այլ ապրանքների, պատրաստվում է գնել ջահեր, լվացարաններ, ղեկավարի աթոռներ, բազկաթոռներ, կահույք, օդորակիչներ:

ՀՀ ֆինանսների նախարարության ՀՀ պետական գնումների համակարգում Վերահսկիչ պալատը ներկայացրել է 2018 թ. գնումների պլանը, որտեղ գնման մեկ անձից (ՄԱ) կատարվող ընթացակարգով պատրաստվում է երկու ջահ գնել: Ջահերից մեկի արժեքը 150000 ՀՀ դրամ է, երկրորդինը՝ 100000 ՀՀ դրամ: Բացի այդ՝ 35 հազար դրամ արժողությամբ 7 լվացարաններ կգնեն, որոնց ընդհանուր արժեքը կկազմի 245 հազար դրամ:

Գնանշման հարցում (ԳՀ) ընթացակարգով պետական կառույցը ղեկավարի 2 սեղան կգնի: Առաջինի արժեքը 600000 դրամ է, երկրորդինը՝ 300000 դրամ:

Նախատեսվում է նաև 100 հազար դրամով 10 հատ ղեկավարի բազկաթոռ գնել, որոնք ձեռք բերելու համար բյուջեից 1000000 ՀՀ դրամ կծախսվի:

Ղեկավարի բազկաթոռների շարքն այսքանով չի ավարտվում: 80000 դրամով կգնեն ևս 6–ը՝ հատկացնելով 480000 ՀՀ դրամ: Բացի այդ՝ 26830 դրամ արժողությամբ 47 հատ մետաղյա աթոռներ կգնեն, որոնց ձեռքբերման համար 1261000 ՀՀ դրամ է հատկացվել:

Գնումների պլանում են նաև 18 աթոռներն ու բազկաթոռները, որոնցից յուրաքանչյուրը 65000 դրամ է: 18–ը ձեռք բերելու համար նախատեսվում է 1170000 ՀՀ դրամ:

Վերահսկիչ պալատը 1500000 դրամ արժեքով ներկառուցված խոհանոց կգնի:

Նախատեսվում է նաև զանազան կահույք գնել: Գնումների պլանում հստակեցված չէ, թե ինչ է ենթադրում «զանազան կահույքը», բայց այն ձեռք բերելու համար կլորիկ գումար է նախատեսվել՝ 430000 ՀՀ դրամ:

Իսկ խորհրդակցությունների սենյակի կահույք գնելու համար կծախսվի 850 հազար դրամ:

Կառույցը միջինից բարձր հզորությամբ 2 փոշեկուլ կգնի, որոնք ձեռք բերելու համար կծախսի 200000 դրամ:

Գնումների պլանն այսքանով չի սահմանափակվում: Նախատեսում են նաև օդորակիչներ գնել:

140 հազար դրամ արժողությամբ 4 օդորակիչ գնելու համար բյուջեից 560 հազար դրամ կծախսվի:

Ձեռք կբերվի նաև 240 հազար և 280 հազար դրամ արժողությամբ երկու օդորակիչ: Վերահսկիչ պալատն այս տարի նախատեսել է նաև լիտրը 454 դրամով պրեմիում տեսակի բենզին գնել, որը կարժենա 14394100 ՀՀ դրամ:

Իսկ ավտոմեքենաների վերանորոգման ծառայությունների համար կծախսվի 3824000 ՀՀ դրամ:

Շարունակությունը՝ «Փաստ» օրաթերթի այսօրվա համարում

Այս թեմայով «Վարորդի ընկեր»-ը դիմել է վարչապետին՝ տույժ-տուգանքների համար համաներում կիրառելու խնդրով. «Փաստ» «Հարցերը նախարարների մակարդակով չեն կարող լուծվել. պետք է բնապահպանական քաղաքականության փոփոխություն լինի». Լևոն Գալստյան. «Փաստ» ԿԳՆ-ն փոխել է 9-րդ և 12-րդ դասարանների պետական ավարտական քննությունների օրերը. «Փաստ» Նորանշանակ գյուղնախարարը 8,5 միլիոն դրամի վարկ է վերցրել. «Փաստ» Կոռումպացված լինելու թույլտվությունն ու արատավոր շղթան. Պայքարի ուղիները՝ ըստ Վարուժան Հոկտանյանի. «Փաստ»