2018–ին կստուգվի 250 ընկերություն. «Փաստ»

«Փաստ» օրաթերթը գրում է.

Հայաստանի Հանրապետության բնապահպանության նախարարության բնապահպանության և ընդերքի տեսչական մարմնի կողմից հրապարակվել է 2018 թ. ընթացքում իրականացվելիք ստուգումների ծրագիրը:

Բնապահպանության նախարարության բնապահպանության և ընդերքի տեսչական մարմնի կողմից 2018 թ. ընթացքում նախատեսվում է իրականացնել ստուգումներ 250 ընկերություններում, որոնցից 175–ը` բարձր ռիսկայնությամբ, 62–ը` միջին ռիսկայնությամբ, 13–ը` ցածր ռիսկայնությամբ տնտեսվարող սուբյեկտների մոտ:

Ընկերությունների այս ցուցակում կան այնպիսիք, որոնցում ստուգումներ իրականացվել են ընդամենը վերջերս, օրինակ՝ 2017, 2016 կամ 2015 թթ.: Կան այնպիսիք, որոնց վերջին անգամ տեսչությունից այցելել են ութ–տասը տարի առաջ: Կան նաև այնպիսիք, որոնք առհասարակ ստուգումների չեն ենթարկվել, ամեն դեպքում այդ ընկերությունների՝ վերջին անգամ ստուգումներ անցկացնելու տողը դատարկ է մնացել: Այդպիսիք են օրինակ «Կարիտաս» փայտամշակման կենտրոնը, «Գրանդ–Տոբակոն», «Ջերմուկ ինթերնեյշնլ պեպսի–կոլա բոթլեր» ՍՊԸ–ն, «Բարի Սամարացի» ՍՊԸ–ն, «ՀԱԷԿ–ի շինարարություն» ՓԲԸ–ն, «Ալֆա Ֆարմ» ՓԲԸ–ն, «Թամարա Ֆրութ» ՓԲԸ–ն, «Արարատ գրուպ» ՍՊԸ–ն և մի շարք այլ ընկերություններ ու կառույցներ:

Ընդհանուր առմամբ՝ ստուգման ենթակա են և՛ կրթական, և՛ բժշկական հաստատություններ, և՛ գործարաններ, և՛ արտադրական ձեռնարկություններ, և՛ հիդրոէներգետիկ ու հանքարդյունաբերական ոլորտում գործունեություն ծավալող ընկերություններ:

Ստուգման կենթարկվեն նաև մի քանի փոքր ՀԷԿ–եր, այդ թվում՝ «Ամբերդ» ՀԷԿ, «ՔԱՐԱՀՈՒՆՋ» ՀԷԿ, «Լեռնապատի Կանթեղ», «Հոսք–Բովաձոր» ՓՀԷԿ, «ԼԵՌ ԵՎ ՋՈՒՐ», «Ապահով տանիք», «Սուրբ Աղբյուր», «Գոշ» ՀԷԿ, «Ֆիրմա ԳԱԽ», «ԱՐԵՆԻ» ՀԷԿ և «Արգելի» ՀԷԿ ընկերությունները:

Հանքարդյունաբերության ոլորտում հայտնի ընկերություններից մի քանիսը նույնպես այս տարի տեսչության ներկայացուցիչներին «կհյուրընկալեն»: Դրանցից են Ագարակի պղնձամոլիբդենային բաց հանքավայրը շահագործող «Ագարակի պղնձամոլիբդենային կոմբինատ» ՓԲԸ–ն, Շահումյանի բազմամետաղային հանքավայրը շահագործող «Կապանի լեռնահարստացման կոմբինատ» ՓԲԸ–ն, «Զանգեզուրի պղնձամոլիբդենային կոմբինատ» ՓԲԸ–ն, Շամլուղում հանքարդյունաբերություն ծավալած «Ախթալայի ԼՀԿ» ՓԲԸ–ն և Թեղուտի պղնձամոլիբդենային հանքավայրը շահագործող «Թեղուտ» ՓԲԸ–ն:

Շարունակությունը՝ «Փաստ» օրաթերթի այսօրվա համարում

Այս թեմայով «Վարորդի ընկեր»-ը դիմել է վարչապետին՝ տույժ-տուգանքների համար համաներում կիրառելու խնդրով. «Փաստ» «Հարցերը նախարարների մակարդակով չեն կարող լուծվել. պետք է բնապահպանական քաղաքականության փոփոխություն լինի». Լևոն Գալստյան. «Փաստ» ԿԳՆ-ն փոխել է 9-րդ և 12-րդ դասարանների պետական ավարտական քննությունների օրերը. «Փաստ» Նորանշանակ գյուղնախարարը 8,5 միլիոն դրամի վարկ է վերցրել. «Փաստ» Կոռումպացված լինելու թույլտվությունն ու արատավոր շղթան. Պայքարի ուղիները՝ ըստ Վարուժան Հոկտանյանի. «Փաստ»