Երևանի քաղաքապետարանի ներդրումային բումը. «Փաստ»

«Փաստ» օրաթերթը գրում է.

Կառավարությունը հավանություն է տվել «Պարկ գրուպ» ԱՊԸ կողմից ներկայացված հանգստի և ժամանցի կենտրոն ստեղծելու 22 միլիոն դոլարի ներդրումային ծրագրին: Երևանի քաղաքապետին առաջարկվել է Մոնթե Մելքոնյան փողոցին հարակից տարածքում գտնվող 27,66 հեկտար պետական սեփականություն հանդիսացող անտառային ֆոնդի հողերի նպատակային նշանակության փոխադրումը հատուկ պահպանվող տարածքների հողերի նպատակային նշանակության:

Ծրագրի շրջանակում նախատեսվում է հիմնել տարածաշրջանում նմանատիպը չունեցող մանկական, երիտասարդական, ընտանեկան հանգստի, ժամանցի և զվարճանքի կենտրոն՝ հագեցած լավագույն եվրոպական արտադրողների գերժամանակակից ատրակցիոններով, շքեղ լազերային էֆեկտներով շատրվանով և սննդի սպասարկման կետերով:

Առաջին անգամը չէ, որ Երևանի քաղաքապետարանը ներդրումային ճկունություն է դրսևորում: Ընդ որում ոչ միայն արտաքին, այլև ներքին ներդրումներ ներգրավելու տեսքով: Եվ սա այն պայմաններում, երբ Հայաստանում այսօր շատ դժվար տնտեսական վիճակ է: Իսկ Երևանի քաղաքապետն ու իր թիմը ցույց են տալիս, թե ինչպես պետք է ղեկավարել քաղաքը, որպեսզի այն համ գեղեցկանա ու դառնա հարմարավետ, համ էլ ունենա ներդրումներ, որոնք բնականաբար կապահովեն աշխատատեղեր ու հարկերի տեսքով կնպաստեն Հայաստանի բյուջեի ամրապնդմանը:

Ծրագրի իրականացմամբ շուրջ 350 աշխատատեղ է ստեղծվելու, իսկ ծրագրի ընթացքը կտևի 60 ամիս, այսինքն 5 տարի, ինչը նշանակում է բավականին կայուն բարեկեցության երաշխիք ծրագրում ներգրավվածների համար:

Շարունակությունը՝ «Փաստ» օրաթերթի այսօրվա համարում

Այս թեմայով «Վարորդի ընկեր»-ը դիմել է վարչապետին՝ տույժ-տուգանքների համար համաներում կիրառելու խնդրով. «Փաստ» «Հարցերը նախարարների մակարդակով չեն կարող լուծվել. պետք է բնապահպանական քաղաքականության փոփոխություն լինի». Լևոն Գալստյան. «Փաստ» ԿԳՆ-ն փոխել է 9-րդ և 12-րդ դասարանների պետական ավարտական քննությունների օրերը. «Փաստ» Նորանշանակ գյուղնախարարը 8,5 միլիոն դրամի վարկ է վերցրել. «Փաստ» Կոռումպացված լինելու թույլտվությունն ու արատավոր շղթան. Պայքարի ուղիները՝ ըստ Վարուժան Հոկտանյանի. «Փաստ»