«Որևէ ֆինանսական խնդիր ֆեդերացիայում չկա». Իվետա Տոնոյան

«Հայկական Ժամանակ»օրաթերթում այսօր հրապարակում է եղել այն մասին, որ իբր Գագիկ Ծառուկյանը չի կատարում Հայաստանի ըմբշամարտի ֆեդերացիայի նկատմամբ ստանձնած ֆինանսական պարտավորությունները. Այս թեմայի շուրջ Slaq. am-ը փորձեց պարզաբանում ստանալ Իվետա Տոնոյանից:

- Ինչպես կմեկնաբանեք այս հրապարակումը.

-Նախ առաջին հերթին որպես մասնագիտությամբ լրագրող ուզում եմ արձանագրել, որ սա ինձ համար լրագրողական նյութ և հրապարակում չէ և ընդհանրապես անգամ հեռավոր առնչություն չունի ժուռնալիստիկայի հետ: Մատնանշելով ինչ որ մտացածին աղբյուրների, ինչ որ անանուն պերսոնաժների՝ կարելի է ցանկացած հիվանդագին երևակայության արդյունք հանդիսացող բարբաջանք հրամցնել հանրությանը որպես տեղեկատվություն: Եթե նույն սկզբունքով առաջնորդվելու լինենք, ապա ես կարող եմ ասենք օրինակ ասել, որ իմ ունեցած աղբյուրների համաձայն Հայկական Ժամանակ օրաթերթի աշխատակազմը ամենօրյա ռեժիմում ենթարկվում է աշխատանքային թրաֆիկինգի՝ իր բոլոր դրսևորումներով: Եթե նույն հոդվածագիրը հրապարակումն անելիս դիմեր պաշտոնական տեղեկատվության տրամադրման համար՝ վստահեցնում եմ, որ նա կստանար իրեն հուզող բոլոր հարցերի պատասխանները: Ինչ վերաբերում է հրապարակման բովանդակային մասին, ապա ասեմ, որ այն բացառապես անառողջ երևակայության արդյունք է: Երեկ արդեն իսկ ֆեդերացիայի գլխավոր քարտուղարն անդրադարձել է այս հարցին, ասելով, որ որևէ ֆինանասական խնդիր ֆեդերացիայում չկա, որ բոլոր ուսումնամարզական հավաքներն անց են կացվում սահմանված օրացույցային պլանի համաձայն, և մարզիկներն այս պահին էլ բնականոն մարզվում են և պատրաստվում են առաջիկա մարզական ստուգատեսներին:

Այս թեմայով «Հարցերը նախարարների մակարդակով չեն կարող լուծվել. պետք է բնապահպանական քաղաքականության փոփոխություն լինի». Լևոն Գալստյան. «Փաստ» Կոռումպացված լինելու թույլտվությունն ու արատավոր շղթան. Պայքարի ուղիները՝ ըստ Վարուժան Հոկտանյանի. «Փաստ» Քաղբանտարկյալների հարցի փակուղին ու հնարավոր լուծումը. «Փաստ» Արա Պապյան. «Եթե ՀՅԴ-ն չինքնամաքրվի, հաջորդ ընտրություններից հետո խորհրդարանում չի լինի». «Փաստ» Նոր կառավարությունը պետք է օդում կախված հարցերը լուծելու քայլեր էլ իրականացնի. «Փաստ»