Անգործությունը ցուցադրական շղարշով ծածկելու մեթոդներն այլևս չեն աշխատում. «Փաստ»

«Փաստ» օրաթերթը գրում է.

«Փաստի» զրուցակիցն է աշխարհագրագետ, «Հայկական բնապահպանական ճակատի» անդամ Լևոն Գալստյանը

– Կարո՞ղ ենք ասել, որ վերջին տարիներին մեր հասարակությունն ավելի գիտակից է դարձել և սկսել է ավելի ակտիվ պայքարել բնության, շրջակա միջավայրի պահպանության համար։

– Հայաստանի ժողովուրդը այս տարիների ընթացքում բնապահպանական խնդիրների վերաբերյալ որոշակի ինֆորմացիա ստացել է հիմնականում ԶԼՄ–ներից, ՀԿ–ներից և այլ քաղաքացիական խմբերից, որոնք այդ խնդիրները լուսաբանել են։ Պետական կառավարման համակարգի նկատմամբ եղել է 0 վստահություն կամ 0–ին մոտ վստահություն, և որքան էլ փորձեն տարբեր մարդիկ կամ ինչ–որ պետական պաշտոնյաներ խոսել, թե իրենց որոշակի գործունեության շնորհիվ արդյունքների են հասել, դա կլինի ընդամենն իրենց բարի ցանկությունը։ Դա է ամբողջ խնդիրը։ Ու քանի դեռ իրենք չեն հասկանում, որ իրենց նկատմամբ 0 վստահություն կա, խոսքն իրական վստահության մասին է, փոփոխություն ակնկալելը շատ բարդ է։

Ժողովուրդը որոշ բաներ հասկացել է, որոշ բաներ գիտակցել, դրա համար որոշակի դիմադրության օջախներ, խոսքեր, քննադատություն ու կամք կա տեղաբնակների կողմից տարբեր ծրագրերի նկատմամբ, որոնք վտանգ են ներկայացնում բնական միջավայրի համար, եղել են ու, ինձ թվում է, կլինեն ավելի շատ հետագայում։

Իսկ մնացած հեքիաթները, շոուները, հանձնարարականները, նախարարին կից խորհուրդները և այլ բաները ես չեմ ցանկանում ասել, թե ինչ են։ Բոլորը շատ լավ գիտեն, թե ինչ են։ Դրանք անգործությունը տարիներ շարունակ ցուցադրական շղարշով ծածկելու մեթոդներ են, որոնք արդեն չեն աշխատում։ Դարը փոխվել է, ինֆորմացիան ուրիշ է, և մարդիկ հասկանում են, թե որ ինֆորմացիային վստահեն, որ կառույցին վստահեն, որին՝ ոչ։

Այսօր ժողովրդի՝ պետական համակարգի նկատմամբ վստահությունը 0–ին մոտ է, բացի իրենց թիմակիցներից և կուսակիցներից։

– Այսօր էլեկտրոնային տարբերակով մարդիկ ավելի հեշտ ու արագ կարող են իմանալ իրականում ինչ է տեղի ունեցել։ Դա օգնո՞ւմ է կողմնորոշվել այս կամ այն հարցում և ճիշտ դիրքորոշում ունենալ։

– Այո, իհարկե։ Բոլոր հնարավոր և անհնար խնդիրների բացահայտումները եղել են գրեթե բացառապես հանրության կողմից։ Դրանք բոլորը բարձրաձայնվել են հանրության կողմից։ Եվ այդ խնդիրները «լուծում են ստանում» միայն այն դեպքում, երբ կա որոշակի ցանկություն, սակայն դրանց նպատակը կրկին շատ հարցականներ է պարունակում։ Փոխվել է կառավարությունը, փոխվել են խաղացողները, կատարվում է դերերի, «փայերի» վերաբաշխում։ Ոչ մի լուրջ քայլ, բացի հանձնարարականներից ու որոշումներից, չի արվել վերջին 6–7 տարիների ընթացքում։ Եղել են աչքակապոցիի համար արված գործողություններ՝ մեկ հոգի ծառ կտրող են բռնել, երկու հոգի ձուկ ծախող, իսկ գլխավոր աղտոտողներն ու բնության վնասատուները շարունակում են պաշտոնավարել։

Շարունակությունը՝ «Փաստ» օրաթերթի այսօրվա համարում

Այս թեմայով «Վարորդի ընկեր»-ը դիմել է վարչապետին՝ տույժ-տուգանքների համար համաներում կիրառելու խնդրով. «Փաստ» «Հարցերը նախարարների մակարդակով չեն կարող լուծվել. պետք է բնապահպանական քաղաքականության փոփոխություն լինի». Լևոն Գալստյան. «Փաստ» ԿԳՆ-ն փոխել է 9-րդ և 12-րդ դասարանների պետական ավարտական քննությունների օրերը. «Փաստ» Նորանշանակ գյուղնախարարը 8,5 միլիոն դրամի վարկ է վերցրել. «Փաստ» Կոռումպացված լինելու թույլտվությունն ու արատավոր շղթան. Պայքարի ուղիները՝ ըստ Վարուժան Հոկտանյանի. «Փաստ»