Վարկերի պատճառով գյուղացիները տներ են կորցրել. «Փաստ»

«Փաստ» օրաթերթը գրում է.

Արմավիրի մարզի Արազափ գյուղի 2 ընտանիքներ կորցրել են իրենց բնակարանները: Պատճառը՝ գյուղատնտեսական վարկերն են: Գյուղացիները հող մշակելու համար բանկից վարկ են վերցրել՝ գրավադրելով տունը: Վերցրած վարկը, սակայն, մարել չեն կարողացել: Տոկոսներն էլ կուտակվել են մայր գումարին՝ վարկառուին առանց բնակարան թողնելով:

«Թոշակառու կինը մնացել է առանց տան: Ես եմ մանկապարտեզի նախկին շենքում մի սենյակ հատկացրել, որ բնակվեն»,– «Փաստ» օրաթերթի թղթակցի հետ զրույցում պատմեց համայնքի ղեկավար Մանվել Հարությունյանը:

Տարիներ առաջ վերցրած վարկը չի կարողացել մարել ևս մեկ ընտանիք: Ընտանիքի հայրը տարիներ առաջ էր մահացել՝ վարկերի դարդից:

«Ասացին, որ չեն կարող կուտակված գումարները վճարել և գրավադրած տունը թողեցին բանկին: Հիմա այդ կինն ու որդին աղջկա տանն են բնակվում»,– հերթական վարկառուի պատմությունը ներկայացրեց Հարությունյանը:

Այստեղ գյուղացիների 90%–ը վարկեր ունի: Տեղացիները գյուղատնտեսությամբ զբաղվելու համար դեռ 10 տարի առաջ բանկերի հետ պայմանագիր կապեցին, ու ինչպես իրենք են ասում՝ «քաշվեցին»:

«Բանկը մեր գյուղով է կառուցվել: 1000 դոլարից է սկսվել այս ամբողջ պատմությունը: Մի տարի կարկուտ է եղել, բերք չի եղել, մյուս տարի՝ ցրտահարություն, մի տարի՝ ջուր չի եղել ու մարդիկ եկամուտ չեն ստացել: Երևի՝ ծրագիր էր մշակված, որ պետք է ժողովրդին այս օրը գցեին»,– սրտնեղեց մեր զրուցակիցը:

Ժամկետանց վարկերի պատճառով ևս 3 ընտանիք բնակարանը կորցնելու վտանգի առաջ է կանգնած: Նրանք, սակայն, բանկի հետ պայմանավորվել են, որ գումարները մաս–մաս վճարեն:

Շարունակությունը՝ «Փաստ» օրաթերթի այսօրվա համարում

Այս թեմայով «Վարորդի ընկեր»-ը դիմել է վարչապետին՝ տույժ-տուգանքների համար համաներում կիրառելու խնդրով. «Փաստ» «Հարցերը նախարարների մակարդակով չեն կարող լուծվել. պետք է բնապահպանական քաղաքականության փոփոխություն լինի». Լևոն Գալստյան. «Փաստ» ԿԳՆ-ն փոխել է 9-րդ և 12-րդ դասարանների պետական ավարտական քննությունների օրերը. «Փաստ» Նորանշանակ գյուղնախարարը 8,5 միլիոն դրամի վարկ է վերցրել. «Փաստ» Կոռումպացված լինելու թույլտվությունն ու արատավոր շղթան. Պայքարի ուղիները՝ ըստ Վարուժան Հոկտանյանի. «Փաստ»