Գործազուրկների 36,3%–ը գյուղաբնակներն են . «Փաստ»

«Փաստ» օրաթերթը գրում է.

2017 թվականի նոյեմբերի 1–ի դրությամբ աշխատանք փնտրողների թիվը կազմում է 88,2 հազար մարդ, որը նախորդ տարվա նույն ժամանակահատվածի համեմատ նվազել է 8,9%–ով, իսկ տարեսկզբի նկատմամբ նվազել է 8,7%: Այս մասին «Փաստ» օրաթերթը տեղեկացավ Զբաղվածության պետական գործակալությունից:

Գյուղաբնակները կազմում են աշխատանք փնտրողների 35,4%–ը, որը նախորդ տարվա նույն ժամանակահատվածի համեմատ նվազել է 9%–ով:

Գործազուրկների թվաքանակը կազմում է աշխատանք փնտրողների 82,5%–ը կամ 72,8 հազար մարդ: Այս ցուցանիշը նախորդ տարվա նույն ժամանակահատվածի նկատմամբ նվազել է 11,0%–ով, իսկ տարեսկզբի համեմատ՝ 10,7%–ով:

Գործազուրկ կանանց թվաքանակը կազմում է 66,5%–ը կամ 48,4 հազ. մարդ, երիտասարդների թվաքանակը՝ 24,3%–ը կամ 17,7 հազ. մարդ, իսկ հաշմանդամություն ունեցող անձանց թվաքանակը՝ 4,3% կամ 3,1 հազ. մարդ:

Զվաղվածության պետական գործակալության տվյալներով՝ գործազուրկների թվաքանակում գյուղաբնակները կազմում են 36,3%, որը նախորդ տարվա նույն ժամանակահատվածի համեմատ նվազել է 8,6%–ով:

2017 թ. երկրորդ եռամսյակի տվյալներով գործազրկության մակարդակը հանրապետությունում կազմել է 17,8%, որը նախորդ տարվա նույն ժամանակահատվածի համեմատ նվազել է 0,6%–ով, իսկ առաջին եռամսյակի նկատմամբ 1,2%–ով:

Իսկ, ըստ ԱՎԾ–ի տվյալների, աշխատանքային ռեսուրսները կազմել են 2094,1 հազ. մարդ, տնտեսապես ոչ ակտիվ բնակչությունը` 826,7 հազ. մարդ, տնտեսապես ակտիվ բնակչությունը` 1267,4 հազ. մարդ: Այս ցուցանիշները նախորդ տարվա նույն ժամանակահատվածի նկատմամբ համապատասխանաբար աճել է 3,7%–ով, 4,9%–ով և 2,9%–ով:

Գործազուրկների թվաքանակում նախորդ տարվա նույն ժամանակահատվածի համեմատ 19,3%–ով աճել է գյուղաբնակների թիվը, փոխարենը 9,8%–ով նվազել է գործազուրկ կանանց թվաքանակը:

Գործազուրկների թվաքանակում բարձրագույն և հետբուհական կրթություն ունեցողների թիվը կազմում է 12,5%, միջին մասնագիտական կրթություն ունեցողները` 17,4%, արհեստագործական կրթություն ունեցողները` 5,3%, ընդհանուր միջնակարգ կրթություն ունեցողները` 55,4%:

Ըստ տարիքային ցենզի՝ գործազուրկների թվում 16–29 տարեկանները կազմում են 24,3%, 30–44 տարեկանները` 39,6%, 45–54 տարեկանները` 19,9%, 55–ից բարձր տարիքի անձինք` 17,1%:

2017 թ. հունվար–հոկտեմբեր ամիսների ընթացքում աշխատանքի է տեղավորվել 7218 աշխատանք փնտրող , որից 4459–ը` կին, 2349–ը՝ երիտասարդ, 142–ը՝ հաշմանդամություն ունեցող անձ:

Աշխատանքի տեղավորվածները հիմնականում արդյունաբերության (19,2%), մեծածախ և մանրածախ առևտրի (17,6%), սպասարկման (18,2%) ոլորտներում են:

Աշխատաշուկայում պահանջարկված են հիմնականում բարձրագույն կրթություն ունեցող բժիշկներ, համակարգչային մասնագետներ, ճարտարագետներ, հաշվապահներ: Մարզերում պահանջարկված են հատկապես դասավանդողները:

Շարունակությունը՝ «Փաստ» օրաթերթի այսօրվա համարում

Այս թեմայով «Վարորդի ընկեր»-ը դիմել է վարչապետին՝ տույժ-տուգանքների համար համաներում կիրառելու խնդրով. «Փաստ» «Հարցերը նախարարների մակարդակով չեն կարող լուծվել. պետք է բնապահպանական քաղաքականության փոփոխություն լինի». Լևոն Գալստյան. «Փաստ» ԿԳՆ-ն փոխել է 9-րդ և 12-րդ դասարանների պետական ավարտական քննությունների օրերը. «Փաստ» Նորանշանակ գյուղնախարարը 8,5 միլիոն դրամի վարկ է վերցրել. «Փաստ» Կոռումպացված լինելու թույլտվությունն ու արատավոր շղթան. Պայքարի ուղիները՝ ըստ Վարուժան Հոկտանյանի. «Փաստ»