Թանկարժեք ժամացույցներ և «BMW X5». Արսեն Բաբայանի ունեցվածքը. «Փաստ»

«Փաստ» օրաթերթը գրում է.

Ազգային ժողովի աշխատակազմի հանրային կապերի վարչության պետ Արսեն Բաբայանը Բարձրաստիճան պաշտոնատար անձանց էթիկայի հանձնաժողովին է ներկայացրել իր՝ պաշտոնը ստանձնելու 2017 թ. հայտարարագիրը:

Հայտարարագրից տեղեկանում ենք, որ նա բավական թանկարժեք՝ ութ միլիոն դրամը գերազանցող ժամացույցների հավաքածու ունի:

Բաբայանը հայտարարագրել է երկու բնակարան և «BMW X5 3.0 I» մակնիշի ավտոմեքենա: Դրամական միջոցները պաշտոնը ստանձնելու օրվա դրությամբ կազմել են 13 միլիոն դրամ, 115 հազար ամերիկյան դոլար և 74 հազար եվրո:

Եկամուտներն էլ կազմել են 3 միլիոն 728 հազար դրամ ու 9 հազար 500 ամերիկյան դոլար: Դոլարով արտահայտված եկամուտը ստացված փոխառություններ են, դրամով արտահայտված գումարից 2 միլիոն 728 հազարը աշխատավարձ է, իսկ 1 միլիոնը՝ կրկին ստացված փոխառություններ՝ վարկեր:

Շարունակությունը՝ «Փաստ» օրաթերթի այսօրվա համարում