Պակիստանում ավտոբուսի ձորն ընկնելnւ հետևանքով 40 մարդ է զnhվել

Պակիստանի հարավ-արևմուտքում ավտոբուսի ձորն ընկնելու հետևանքով 40 մարդ է զոհվել։ Այս մասին հայտնել է Dawn թերթը՝ հղում անելով պաշտոնյաներին։

«Ըստ հաղորդագրությունների՝ վթարի հետևանքով 40 մարդ է զոհվել, ևս 8-ը՝ ստացել մարմնական վնասվածքներ», - մեջբերում է հրատարակությունը Բելուջիստան նահանգի լրատվամիջոցների և քաղաքական հարցերի նախարարության հայտարարությունը։

Ավելի վաղ թերթը հայտնել էր 24 զոհի մասին։

Իրավապահների տվյալներով՝ միջադեպը տեղի է ունեցել Բելուջիստան և Խայբեր-Փախտունխվա նահանգների սահմանին գտնվող լեռնային շրջանում։ Տուժածները վնասվածքներով տեղափոխվել են հիվանդանոց։ Ինչպես հաղորդում է Daily Pakistan թերթը, փրկարարական խմբերը շարունակում են վիրավորներին տարհանելու և տուժածներին օգնություն ցուցաբերելու գործողությունը, աշխատանքը բարդանում է տեղանքի ռելիեֆի պատճառով։

Ինչպես Dawn-ին հայտնել են ոստիկանությունում, ավտոբուսը Բելուջիստան նահանգի մայրաքաղաք Քվետտա քաղաքից դուրս է եկել 36 ուղևորով և ուղևորվում էր Պեշավար՝ Խայբեր-Փախտունխվա նահանգի վարչական կենտրոն։ Ճանապարհին տրանսպորտային միջոցի մեջ են նստել մեկ այլ ավտոբուսի ուղևորներ, որը փչացել էր ճանապարհին։ Երկու նահանգների սահմանը հատելուց անմիջապես հետո տրանսպորտային միջոցն ընկել է ձորը։