Բաժնետոմսեր, բաժնեմասեր ու փոխառություններ. Մանուկյանի հայտարարագիրը. «Փաստ»

«Փաստ» օրաթերթը գրում է.

Քաղաքացիական ավիացիայի վարչության աշխատակազմի ղեկավար Արսեն Մանուկյանը Բարձրաստիճան պաշտոնատար անձանց էթիկայի հանձնաժողովին է ներկայացրել իր՝ պաշտոնը ստանձնելու հայտարարագիրը, որից տեղեկանում ենք նրա՝ բավական մեծ կարողությունների տեր լինելու մասին:

Մանուկյանը բացի վարչության աշխատանքը ղեկավարելուց, ֆինանսական ակտիվ գործունեություն է ծավալում՝ և՛ արժեթղթեր ունի, և՛ փոխառություններ: Փոխառությունները կազմել են 58 միլիոն 621 հազար դրամ, պարտատոմսերը 10 հազար 501 ամերիկյան դոլար, իսկ բաժնետոմսերն ու բաժնեմասերն էլ՝ համապատասխանաբար 127 հազար 640 ռուբլի և 250 հազար դրամ:

Նրա սեփականությունն են համարվում երկու հողամասերը, ավտոտնակն ու արտադրական նշանակության շինությունը: Այսքան մեծ ունեցվածքի տեր լինելով հանդերձ՝ Մանուկյանն ունի միայն սովետական արտադրության՝ «GAZ 3102» մակնիշի ավտոմեքենա:

Դրամական միջոցները կազմել են 17 միլիոն 253 հազար դրամ, 37 հազար ռուբլի ու 1260 ԱՄՆ դոլար, իսկ եկամուտները՝ 11 միլիոն 251 հազար դրամ ու ստացվել 2 միլիոն 611 հազար դրամ աշխատավարձից և 8 միլիոն 640 հազար դրամ վարձակալության դիմաց ստացված վճարից:

Շարունակությունը՝ «Փաստ» օրաթերթի այսօրվա համարում