Շնորհավոր Հայաստանիս 108-ամյա Հանրապետության տարեդարձը. Աննա Կոստանյան
Շնորհավոր Հայաստանիս 108-ամյա Հանրապետության տարեդարձը։ Մաքառումներով ու դադարներով ստեղծված պետությունը դարձավ օսմանյան ցեղասպան կայսրությունից մազապուրծ հայերի վերջին հանգրվանը, երիտթուրքական բնաջնջումից խուսափած գաղթականների փրկությունը, ուր մեր հիմնադիր հայրերն ստեղծեցին Հանրապետություն՝ թեև ոչ կայուն ու կարճատև, սակայն դրեցին հարյուրամյակների կորսված պետականության հիմնաքարերը։
88-ից շաղախվեց ու սկսեց ամրանալ պետականության հաստատման և ամրապնդման մղումը, կրկին պայքարով ու կյանքի գնով ձեռքբերվեց անկախությունը՝ բացարձակ արժեք, որն այսօր գտնվում է աշխարհաքաղաքական խոշոր կենտրոնների բախման կիզակետում։ Հենց այսօր, ավելի, քան, երբևէ կանգնած ենք մեկ հարյուրամյակում կերտված անկախության կորստի առաջ։ Այսօր Հանրապետության Հրապարակում ՀԱՆՐԱՊԵՏՈՒԹՅՈՒՆԸ հանվել է վաճառքի՝ տնտեսական «բարեկեցության», արնոտ խաղաղության ու անհեռանկար ապագայի խոստմամբ՝ ասես ճռճռան թղթով փաթաթված մի նվեր մատուցում են աշխարհի աղվեսներին, ինքնիշխանության խաբկանքի, շքերթների ու գինարբուքների թմրության տակ՝ «արջից» պոկում և մտցնում են «գայլի» երախը։ Բայց...
Սա էլ կանցնի, դեռ շատ զրկանքներ կգան ու կգնան, պատմությունը կմնա, որտեղ անպայման «կհիշվեն» կարճաժամկետ վաճառականների «անխոնջ պայքարի» արդյունքում մեզնից պոկված հայրենական հողերի կտորների դավաճանական գործարքների մասին և դասեր կտրվեն ապագա սերունդներին, թե ինչպիսին չպիտի լինի հայ մարդը և ովքեր են իսկական հերոսները, ինչպես պետք է հայրենիք պահպանել ու կերտել «ճիշտ Հայաստան»։ Այդ օրը գալու է, հավատում եմ, վստահ եմ և մենք դա տեսնելու ենք։
Իսկ մինչ այդ, դիմացի՜ր Հայաստան, դիմացի՜ր Արցախ, դիմացի՜ր ՀԱՎԵՐԺԱԿԱՆ ՀԱՅՐԵՆԻՔ... Մինչև....
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
«Հանրային դաշինքը» քաղաքական հետապնդումների թեմայով հանրային քննարկում է հրավիրում
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Եվս մեկ անգամ վարչախմբին հորդորում ենք` ձեռքներդ հեռու՜ ՀՀ հիմնադիր փաստաթղթից. ՀայաՔվե
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Քաջարանը զարգանում ու գեղեցկանում է՝ պահպանելով իր յուրահատուկ դիմագիծն ու հարուստ արդյունաբերական ժ...
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
