Գագիկ Ծառուկյանի մասին հնչեցրած բացասական գնահատականները թյուրիմացություն են. Տիգրան Հովհաննիսյան
«Հայաստանի ձեռներեցների կոնֆեդերացիայի» նախագահ Տիգրան Հովհաննիսյանը երեկ լրագրողների հետ հանդիպման ընթացքում հայտարարել էր, որ Առինջ մոլի հետ կապված խնդիրներ կան: Նա պատմել էր նաև, որ ժամանակին Աբովյան քաղաքում ցանկացել է բիզնես հիմնել, բայց Գագիկ Ծառուկյանը իբր միջամտել է տարբեր սպառնալիքներով՝ նաև բռնությամբ: Այսօր լրագրողների հետ զրույցում Տիգրան Հովհաննիսյանն ասաց, որ վստահ է` Գագիկ Ծառուկյանը տեղյակ չի եղել այդ ամեն ինչի մասին և ինքն է ստանձնել իրազեկողի պարտավորությունը: Նա ասաց՝ իր հայտարարությամբ ցանկացել է Ծառուկյանին տեղեկացնել, որ շատ մարդիկ Աբովյան քաղաքում ներկայացել են Գագիկ Ծառուկյանի անունից և իրականացրել ռեկետ ու ապօրինություն: Տիգրան Հովհաննիսյանը պատմեց, որ ԱԺ նախկին պատգամավորներ Հակոբ Հակոբյանը ՝ նույն ինքը «Լեդի Հակոբը» և Հարություն Ղարագյոզյանը՝ հայտնի որպես Կարամելի Հարութ, ներխուժել են Աբովյան քաղաք և 100- ավոր վարորդների աշխատանքից զրկել.
«Աբովյան-Երևան երթուղի բացեցին ՝ Աբովյանից վտարելով բոլոր վարորդներին: Եթե Լեդի Հակոբը հասկացավ և շուտ հեռացավ Աբովյանից, ապա Կարամելի Հարութը մինչև հիմա շարունակում է իր գործողությունները: Նա 60 տղամարդու ծեծի ենթարկեց և վտարեց Ռուսաստան: Իրա ուզած վարորդներին մտցրեց, որ էդ գիծը շահի: Կարամելի Հարութը թիկնապահների հետ հարձակվեց ինձ վրա ու էդ թիկնապահներն էլ Ծառուկյանի անունն էին տալիս: Իրանք ներկայացան Ծառուկյանի անունից, ես էլ մտածեցի, որ պարոն Ծառուկյանը թույլա տալիս ես մարդկանց ներխուժել Աբովյան ու դա բավական չի մի հատ էլ իր անունից են ելույթ ունենում: Իրանք ինձ դատի տվեցին, պայքար մղեցի հետները», - ասաց Տիգրան Հովհաննիսյանը:
Ինչ վերաբերում է երեկվա ելույթի՝ Գագիկ Ծառուկյանի մասին բացասական գնահատականներին ու մեղադրանքներին՝ Հովհաննիսյանն ասաց, որ պարզապես թյուրիմացության մեջ է եղել՝ կարծելով, որ Գագիկ Ծառուկյանը երբևէ որևէ առնչություն է ունեցել իր կողմից նշված իրադարձությունների հետ : «Ես և պարոն Ծառուկյանը մշտապես ջերմ հարաբերություն ենք ունեցել և այն պահպանում ենք մինչև օրս: Ես իրազեկեցի պարոն Ծառուկյանին, ինքն էլ զարմացավ և ասեց, որ եթե այդպիսի գործողություններ են իրականացվել՝ Աբովյանցիներին հացից զրկել են, ես քո մեջքին կանգնած եմ և պատրաստ եմ աջակցել: Ես միշտ Ծառուկյանի դուռը բացել եմ, էդ ոնց եղավ որ էսօր վատը խոսացի»: - ասաց ՏիգրանՀովհաննիսյանը: Նա նաեւ հավելեց. «Հիմա աբովյանցիներին կոչ եմ անում կարամելի Հարութին վտարել Աբովյանից և վերադարձնեն բոլոր գործազուրկ աբովյանցի վարորդներին: Գագիկ Ծառուկյանը հավաստիացրել է, որ շարունակելու ենք միասին գործակցել: Ինչ խնդիրներ ստեղծվեն պատրաստակամ է աջակցելու»,- ասաց Տիգրան Հովհաննիսյանը:շ
Արդշինբանկը նվիրաբերում է 120 մլն. ՀՀ դրամ «Հայաստան» համահայկական հիմնադրամին
Զելենսկու խորհրդականն ասել է, որ Պուտինի ներկայացրած «Օրեշնիկ» հրթիռը գոյություն չունի
ԶՊՄԿ-ն՝ հանուն սահմանամերձ գյուղի
ՌԴ ՊՆ-ն հրապարակել է Ուկրաինայի զինված ուժերի` ՄիԳ-29 ինքնաթիռի կործանման կադրերը (տեսանյութ)
Ավելի հեշտ կդառնա էներգիա կորզելը. նոր նյութը գերազանցել է սովորական արևային մարտկոցներին
ՎՏԲ-Հայաստան Բանկը նվազեցնում է վարկերի տոկոսադրույքները փոքր բիզնեսի համար
Պադավատապետության «հայրը» բողոքում է պադավատներից. Փաշինյանի երկերեսանությունը
ԽԾԲՏ՝ քպական ձևով. Կոնջորյանի կնոջը բարձր վարձատրվող աշխատանք են տվել
Դիվանագիտական սկանդալ` Թեհրանի և Մոսկվայի միջև
Նիկոլի գործը բացառապես քանդելն է, ոչ թե բարեփոխելը․ Արմեն Հովասափյան
