Փաշինյանը ցնցումների մեջ է կաթողիկոսի այցից
Ամենայն Հայոց Կաթողիկոս Գարեգին Երկրորդի այցը Սամվել Կարապետյանին, ինչպես և սպասելի էր, ցնցումներ է առաջացրել գործող իշխանության կազմում։ Փաշինյանը, որը տևական ժամանակ որևէ խոսք չէր ասել Հայ Առաքելական Եկեղեցու հասցեին, երեկ լրագրողների հետ զրույցում հունից դուրս է եկել, հայտարարել, թե Կտրիճ Ներսիսյանը (այդպես է Փաշինյանը դիմում Ամենայն Հայոց Կաթողիկոսին) այդ վեղարի տակ արդեն անարգանք է եկեղեցու հասցեին։ Ավելին, շարունակել է, թե կաթողիկոսը վաղուց Հայաստանի դեմ տարվող հիբրիդային պայքարի առաջնորդներից մեկն է։
«Ուղղակի այն տրամաբանությամբ, որ ինքը որոշակի իրեն հատուկ խորամանկությամբ այնպես է անում, որ ինքը ուրիշներին հրահրի, քաջալերի, և ինքը մնա ստվերում՝ իր պաշտպանությունն ապահովելու համար։ Բայց ես կարծում եմ և հույս ունեմ, որ Հայաստանի Հանրապետության ժողովուրդը 2026 թվականի հունիսի 7-ի ընտրությունների արդյունքներով կհանգուցալուծի նաև այս իրավիճակը»,- ասել է Փաշինյանը՝ նկատելով, որ նորություն չէ, որ եկեղեցին քաղաքական դիրքորոշում է արտահայտում․ «Հեղափոխությունից անմիջապես հետո եկեղեցին քաղաքական գործունեությամբ է զբաղված, և դրա դրսևորումները կան»։
Նրա այս հայտարարությունը վկայում է, որ գործող իշխանությունների գլխավոր խնդիրը ոչ թե Հայ առաքելական եկեղեցու բարենորոգումն է, այլ այն, որ եկեղեցին ունի քաղաքական նախընտրություններ և այդ մասին հայտնում է առանց այլևայլությունների։ Բնական է՝ Հայ առաքելական եկեղեցին, որ դարեր շարունակ ազգային արժեքները պահպանող գլխավոր ինստիտուտն է եղել, չի կարող համակերպվել այն իրականության հետ, երբ Հայաստանի գործող իշխանությունը պարզապես փորձում է փոշիացնել այդ արժեքները և պայքարում է դրա դեմ՝ իր ունեցած մեթոդներով։ Այդ թվում՝ նաև Հայ առաքելական եկեղեցու ամենակարևոր հովանավորներից մեկին խորհրդարանական ընտրություններից առաջ աջակցելով։ Չի բացառվում, որ Փաշինյանը դադարեցնի իր ժամանակավոր մորատորիումը և իր բոլոր սպասարկուներին հանձնարարի կրկին հարձակվել Ամենայն հայոց կաթողիկոսի դեմ։
Աննա Մարգարյան
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
«Հանրային դաշինքը» քաղաքական հետապնդումների թեմայով հանրային քննարկում է հրավիրում
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Եվս մեկ անգամ վարչախմբին հորդորում ենք` ձեռքներդ հեռու՜ ՀՀ հիմնադիր փաստաթղթից. ՀայաՔվե
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Քաջարանը զարգանում ու գեղեցկանում է՝ պահպանելով իր յուրահատուկ դիմագիծն ու հարուստ արդյունաբերական ժ...
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
