50 միլիոն դրամից ավելի գումարը 20 տարվա պաշտոնավարման արդյո՞ւնք. «Փաստ»

«Փաստ» օրաթերթը գրում է.

ՀՀ Շիրակի մարզպետարանի աշխատակազմի ղեկավար Խաչատուր Պողոսյանը Բարձրաստիճան պաշտոնատար անձանց էթիկայի հանձնաժողովին է ներկայացրել իր՝ պաշտոնը ստանձնելու 2017 թ. հայտարարագիրը:

Պողոսյանը հայտարարագրել է երեք անշարժ գույք՝ բնակարան, հողամաս ու ավտոտնակ: Որպես շարժական գույք գրառել է «MERCEDES–BENZ E 350 4 MATIC» մակնիշի ավտոմեքենա:

Դրամական միջոցները պաշտոնը ստանձնելու օրվա դրությամբ կազմել են 20 միլիոն դրամ ու 70 հազար ամերիկյան դոլար: Ունեցել է նաև եկամուտներ, որոնք կազմել են 3 միլիոն 108 հազար դրամ ու ստացվել աշխատավարձից:

Պողոսյանը երևի այն եզակի մարդկանցից է, ովքեր երկար, շա՜տ երկար տարիներ նույն պաշտոնին են մնում: Ըստ նրա պաշտոնական կենսագրության՝ պաշտոնավարում է դեռևս 1999 թ.–ից: Մինչ այս պաշտոնում նշանակվելն էլ աշխատել է նախագահի աշխատակազմում՝ որպես նախագահի խորհրդականների գրասենյակի գլխավոր մասնագետ:

Շարունակությունը՝ «Փաստ» օրաթերթի այսօրվա համարում