«Եվրաքվեն» փլուզվեց՝ անձնական ամբիցիաների պատճառով
Հայաստանյան արևմտամետները խորհրդարանական ընտրություններին կմասնակցեն առանձին ցուցակներով և կուսակցություններով, նրանց այդպես էլ չհաջողվեց հարթել հակասությունները և մեկ միասնական ցուցակ ներկայացնել։ Նախօրեին համագումար էր հրավիրել Արամ Զավենի Սարգսյանի «Հանրապետությունը», հաստատել ընտրական ցուցակի առաջին 30 համարները։ Ցուցակը գլխավորում է կուսակցության նախագահ Արամ Սարգսյանը, նրան հաջորդում են Անահիտ Ադամյանը և Մալաթիա-Սեբաստիա վարչական շրջանի ղեկավար Ռոմիկ Մխիթարյանը։
Ցուցակի 14-րդ համարը Նոր Նորք վարչական շրջանի նախկին ղեկավար Տիգրան Տեր-Մարգարյանն է, որը հանրությանն առավել հայտնի դարձավ ակտիվիստ Արթուր Չախոյանի ծեծկռտուքում իր դերակատարությամբ։ Դրանից մեկ օր առաջ էլ «Հանուն հանրապետության» կուսակցությունն էր համագումար հրավիրել, իր ցուցակը հաստատել՝ Արման Բաբաջանյան, Ռուբեն Մեհրաբյան, Լուսինե Զեյնալյան եռյակով։ Եթե Բաբաջանյանն իր ցուցակում ընդգրկել է տարբեր հայտնի արևմտամետ գործիչների, ապա Զավենիչի ցուցակը տարակուսելի է նույնիսկ սեփական կուսակիցների համար։
Այնտեղ նախկին ԲՀԿ-ականների, հանրապետականների կարելի է հանդիպել, որոնք մինչ վերջերս հակաիշխանական ակցիաների ակտիվ մասնակիցներ էին։ «Եվրաքվե» դաշինքի մեկ այլ ակտիվ անդամ էլ՝ Եվրոպական կուսակցության ղեկավար Տիգրան Խզմալյանը ընտրություններին չի մասնակցի։ «Բոլորին դեմ եմ» կուսակցության հետ նրա համագործակցությունն էլ խափանվել է անձնական ամբիցիաների պատճառով։ Մեր տեղեկություններով, արևմտամետների ճամբարում այս խառնաշփոթը բացառապես անձնական հավակնությունների հետևանք է։
Ընդ որում, Բաբաջանյանն ու Սարգսյանն իրար են մեղադրում դաշինքը փլուզելու մեջ։ Խոստովանում են, որ նույնիսկ եվրոպական կառույցների լուրջ աջակցությամբ իրենց չի հաջողվելու հատել անցողիկ շեմը և հայտնվել խորհրդարանում։ Արդյունքում, Փաշինյանը կարող է զրկվել կարևոր դաշնակիցներից։ Իսկ դա բխում է ընդդիմության շահերից, եթե կարողանան օգտագործել այս հանգամանքը։
Աննա Մարգարյան
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
«Հանրային դաշինքը» քաղաքական հետապնդումների թեմայով հանրային քննարկում է հրավիրում
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Եվս մեկ անգամ վարչախմբին հորդորում ենք` ձեռքներդ հեռու՜ ՀՀ հիմնադիր փաստաթղթից. ՀայաՔվե
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Քաջարանը զարգանում ու գեղեցկանում է՝ պահպանելով իր յուրահատուկ դիմագիծն ու հարուստ արդյունաբերական ժ...
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
