Մարզպետարանի աշխատակազմի ղեկավարի չորս անշարժ ու երեք շարժական գույքը. «Փաստ»

«Փաստ» օրաթերթը գրում է.

ՀՀ Վայոց Ձորի մարզպետարանի աշխատակազմի ղեկավար Կամո Սահակյանը Բարձրաստիճան պաշտոնատար անձանց էթիկայի հանձնաժողովին է ներկայացրել իր՝ պաշտոնը ստանձնելու 2017 թ. հայտարարագիրը: Սահակյանը հայտարարագրել է չորս անշարժ գույք՝ երեք հողամաս ու մեկ հողին ամրակայված այլ անշարժ գույք: Որպես շարժական գույք իր հայտարարագրում գրառել է երկու մարդատար՝ «VOLKSWAGEN TOUAREG 4.2» և «VAZ 21099», և մեկ բեռնատար՝ «UAZ 452» մակնիշի ավտոմեքենա:

Դրամական միջոցներ պաշտոնը ստանձնելու օրվա դրությամբ չի ունեցել, իսկ եկամուտները կազմել են 3 միլիոն 882 հազար դրամ ու գոյացել 3 միլիոն 630 հազար դրամ աշխատավարձից ու 252 հազար 255 դրամ կոնսաթոշակից:

Կամո Սահակյանն այս պաշտոնն է զբաղեցնում արդեն ավելի քան հինգ տարի՝ սկսած 2012 թ.–ից, իսկ մինչ այդ նույնպես աշխատել է մարզպետարանում, սակայն պաշտոնական կենսագրության մեջ նշված չէ, թե կոնկրետ ինչ գործառույթներ է կատարել:

 Շարունակությունը՝ «Փաստ» օրաթերթի այսօրվա համարում