Փաշինյանի խուճապը սրվում է ժամ առ ժամ
Որքան մոտենում են հունիսի 7-ի ընտրությունները, այնքան Փաշինյան-Կարապետյան հեռակա բանավեճն ավելի է սրվում՝ համեմվելով վիրավորական խոսքերով ու զգուշացումներով։ Փաշինյանն արդեն նոր հորիզոններ է նվաճում՝ ամենօրյա պարբերությամբ տեսանյութեր տարածելով և վիրավորանքներ հասցեագրելով Սամվել Կարապետյանին։ Ընդ որում, Փաշինյանն օգտվում է իր պաշտոնական դիրքի չարաշահումից՝ տնային կալանքի տակ պահելով բարերար գործարարին և կռվելով նրա ստվերի հետ։ Ու քանի Նարեկ Կարապետյանը և «Ուժեղ Հայաստանի» այլ ներկայացուցիչներ բավականին կիրթ և կոշտ պատասխանում են Փաշինյանին, «Ուժեղ Հայաստանը» նաև ներկայացրել է իր նախընտրական ցուցակը։
Կարելի է վերապահումներ ունենալ իր ցուցակում ներկայացված անձանց, նրանց զբաղեցրած տեղի մասով։ Բայց և փաստն այն է, որ ընդդիմությունը բավականին գրագետ է աշխատում գործող իշխանությունների դեմ։ Երեկ նաև հաստատել է իր ցուցակը՝ «Հայաստան» դաշինքը։ Թեպետ մի շարք հայտնի անուններ, այդ թվում՝ խմբակցության ղեկավար Սեյրան Օհանյանը, չեն լինելու, բայց և «Հայաստան» դաշինքի ցուցակն էլ քաղաքական է, կազմում պատրաստված գործիչներ կան։
Այսօր արդեն իր ցուցակն է ներկայացնելու նաև «Բարգավաճ Հայաստան» կուսակցությունը։ Հենց այդ երեք ուժերն են, որոնցից մահու չափ վախենում է Նիկոլ Փաշինյանը և, ամեն առիթ օգտագործելով, փորձում քար նետել այս կուսակցությունների ուղղությամբ։ Վերջին հարցումներն էլ վկայում են, որ Փաշինյանի դիրքերը բավականին թուլացել են։
Ընդդիմությունն էլ պետք է ավելի գրագետ գործի, որպեսզի թույլ չտա իր պառակտվածության արդյունքում Փաշինյանին հաջողվի կրկին վերարտադրվել։ Ի դեպ, սա հենց այն է, ինչ ձգտում է անել Նիկոլ Փաշինյանը՝ դաշտ նետելով տարբեր միավորներ և միավորումներ։ Ընդ որում, գաղափարական և մարդկային առումով իրարից խիստ տարբեր ուժեր են միավորվում՝ այդ կերպ փորձելով փոշիացնել ընդդիմության ձայները և արդյունքում արջի ծառայություն մատուցելով ընդդիմությանն ու հասարակությանը։
Աննա Մարգարյան
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
«Հանրային դաշինքը» քաղաքական հետապնդումների թեմայով հանրային քննարկում է հրավիրում
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Եվս մեկ անգամ վարչախմբին հորդորում ենք` ձեռքներդ հեռու՜ ՀՀ հիմնադիր փաստաթղթից. ՀայաՔվե
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Քաջարանը զարգանում ու գեղեցկանում է՝ պահպանելով իր յուրահատուկ դիմագիծն ու հարուստ արդյունաբերական ժ...
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
