Ընտրությունների գլխավոր ռիսկերից մեկը ձայների փոշիացումն է. «Փաստ»
«Փաստ» օրաթերթը գրում է.
2026 թվականի խորհրդարանական ընտրություններին ընդառաջ ընդդիմադիր դաշտում ակտիվանում են համախմբման անհրաժեշտության մասին քննարկումները։ Մասնագետները միանշանակ գնահատում են՝ ցածր վարկանիշ ունեցող քաղաքական ուժերի միայնակ կամ մասնատված մասնակցությունը կարող է հանգեցնել ձայների փոշիացման, ինչը, ի վերջո, աշխատում է գործող իշխանության օգտին՝ ամրապնդելով նրա դիրքերը։
Այս ընտրություններում առանցքային նշանակություն ունի ընտրողների բարձր մասնակցությունը։ Մասնագետների համոզմամբ՝ հենց մասնակցության բարձր մակարդակն է այն գործոնը, որը կարող է խոչընդոտել գործող իշխանության վերարտադրմանը։ Նշվում է, որ ընդդիմության գլխավոր խնդիրը ոչ միայն ընտրություններին մասնակցելն է, այլև ընտրողներին մոբիլիզացնելը։ Միայն այդ դեպքում հնարավոր կլինի ապահովել իրական մրցակցություն և նվազեցնել իշխանության վերարտադրման հավանականությունը։
Միևնույն ժամանակ, փոքր կուսակցությունների առանձին մասնակցությունը ստեղծված իրավիճակում կարող է հակառակ ազդեցություն ունենալ։ Փորձագետների գնահատմամբ, դա փաստացի կարող է ծառայել գործող իշխանության շահերին՝ մեծացնելով մասնատվածությունը և նպաստելով ձայների բաշխման ոչ արդյունավետ կառուցվածքին։
Այսպիսով, ավելի ու ավելի հնչող է դառնում այն թեզը, որ ընդդիմության համախմբումը հիմնական ուժերի շուրջ կարող է դառնալ քաղաքական հավասարակշռությունը փոխելու գլխավոր գործոնը։ Դրա բացակայությունը, հակառակը, կարող է հանգեցնել գործող կառավարության դիրքերի պահպանմանը։ Փորձագետները հիշեցնում են նախորդ ընտրությունների փորձը, երբ բազմաթիվ ուժեր ստացան նվազագույն տոկոսներ, որոնք, ըստ էության, չվերածվեցին քաղաքական ազդեցության և գործնականում աշխատեցին իշխող ուժի օգտին։ Նույն սցենարի կրկնությունը, նրանց համոզմամբ, շարունակում է մնալ ամենամեծ վտանգներից մեկը՝ պայմանավորված գործող ընտրական համակարգի տրամաբանությամբ։
Այսուամենայնիվ, եթե նույնիսկ չհաջողվի ընդդիմությանը հանդես գալ առավելագույն միասնականությամբ, այսինքն՝ 3-4 հիմնական բևեռով, միևնույնն է, առնվազն մի քանի հարցում անհրաժեշտ է գալ կոնսենսուսի: Առաջինը և հիմնականը ներկա փուլում շատ շոշափելի նկատվող՝ միմյանց դեմ կռիվ տալու երևույթը բացառելն է, թիկունքից չվնասելը: Հակառակ ցանկացած քայլ դարձյալ ուղղված կլինի ներկա իշխանությունների վերարտադրմանը:
Մանրամասները՝ «Փաստ» օրաթերթի այսօրվա համարում
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
«Հանրային դաշինքը» քաղաքական հետապնդումների թեմայով հանրային քննարկում է հրավիրում
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Եվս մեկ անգամ վարչախմբին հորդորում ենք` ձեռքներդ հեռու՜ ՀՀ հիմնադիր փաստաթղթից. ՀայաՔվե
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Քաջարանը զարգանում ու գեղեցկանում է՝ պահպանելով իր յուրահատուկ դիմագիծն ու հարուստ արդյունաբերական ժ...
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
