Արևմուտքը սկսել է միջամտել իր գործընկերների ընտրություններին. Զախարովա
Արևմտյան լրատվամիջոցներում Հունգարիայի արտգործնախարար Պետեր Սիյարտոյի և ՌԴ արտաքին գործերի նախարար Սերգեյ Լավրովի հեռախոսազրույցների հրապարակումը վկայում է այն մասին, որ հենց արևմտյան երկրներն են ամեն կերպ միջամտում այլ պետությունների, նույնիսկ իրենց դաշնակիցների ընտրություններին։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան, հայտնում է ՌԻԱ Նովոստի-ն:
Զախարովան ընդգծել է, որ ավելի քան 10 տարի Ռուսաստանն իր հասցեին լսել է ընտրություններին միջամտելու մեղադրանքներ, սակայն Հունգարիայում քվեարկության շուրջ տեղի ունեցած իրադարձությունները ցույց տվեցին, թե ով է իրականում ձգտում ազդել այլ երկրներում ընտրությունների արդյունքների վրա։
«Երեկ՝ 2026 թվականի մարտի 31-ին, ողջ աշխարհը ստացավ ապացույցներ այն մասին, որ ոչ թե Ռուսաստանն է միջամտում նրանց ընտրություններին կամ որևէ այլ ընտրությունների, այլ արևմտականներն են միջամտում ընտրություններին ողջ աշխարհում»,- ասել է դիվանագետը Sputnik ռադիոկայանի եթերում՝ մեկնաբանելով ԱԳ նախարարների զրույցի մասին ԶԼՄ-ների հրապարակումները։
Նա հավելել է, որ Արևմուտքը սկսել է միջամտել իր սեփական ընտրություններին՝ նրանց ընտրություններին, ում անվանում են իրենց դաշնակիցներն ու գործընկերները։
«Ուստի ստացեք և ստորագրեք։ Դա դուք եք այնտեղ՝ Արևմուտքում, միջամտում ձեր ընտրություններին»,- եզրափակել է Զախարովան։
Հիշեցնենք, որ երեկ ԶԼՄ-ների տրամադրության տակ է հայտնվել ձայնագրություն, որ կարող է վկայել, որ Հունգարիայի ԱԳ նախարար Պետեր Սիյարտոն սերտ համագործակցություն է ունեցել ՌԴ ԱԳ նախարար Սերգեյ Լավրովի հետ՝ նրան փոխանցելով ԵՄ գաղտնի քննարկումների մանրամասները և փորձելով ազդել պատժամիջոցների քաղաքականության վրա:
Փոքր բիզնեսի ազատագրում․ տնտեսական աճի հիմքը, որը կարող է փոխել խաղի կանոնները
Կյանքը հունիսի 7-ից. բանականությունը վերադարձնել իշխանություն. Վահե Հովհաննիսյան
«Ես լավ գիտեմ խաղաղության գինը և գիտեմ, թե ինչպես ապահովել կայուն, երկարատև և ուժեղ խաղաղություն». մ...
Ջրային հաշվեկշիռը մեր երկրի, կյանքի հաշվեկշիռն է. Հրայր Կամենդատյան
Ո՞վ է հրահանգել բողոքարկել Սանասարյանի արդարացման վճիռը
Հակամարտություն հավատքի շուրջ․ ինչ ուղերձ է տալիս իշխանությունը Եկեղեցուն
«Հայ վիրտուոզներ» ծրագրի շրջանակում՝ միջազգային դասախոսների վարպետության դասերը Երևանում
«Գործողներին ընտրելու պարագայում Հայաստան չի լինելու». «Փաստ»
Հայրենիքը արժեք է, որի համար պետք է ոչինչ չխնայել․ Ցոլակ Ակոպյան
Հուսանք՝ Բարձր Դատարանը հարցին կտա արդարացի և իրավական լուծում. Ցոլակ Ակոպյան
