Պարզունակ, հնամաշ քարոզչական «հնարք». «Փաստ»
«Փաստ» օրաթերթը գրում է.
Նիկոլ Փաշինյանը ավտոբուսում, տանը տեսանկարահանում և ի ցույց է դնում «ուտելու տեսարաններ»: Ընդ որում, հասկանալի է, հատկապես ավտոբուսի կադրերը խիստ ցուցադրական են, այցերի ժամանակ ռեստորանային ճոխ կերուխումներն ի ցույց չեն դրվում: Ինչի՞ մասին է խոսում սա: Քաղաքագետներն ու հոգեբանները մեզ հետ զրույցում նշում են, որ առկա է մի քանի հանգամանք:
Նախ՝ այս քարոզչական հնարքը նորություն չէ, ավելին՝ բավականին հնամաշ է և վաղուց համարվում է պարզունակ «հնարք»: Այն տարիներ առաջ օգտագործել են մի շարք քաղաքական գործիչներ: Հիմա Փաշինյանը որոշել է կիրառել այդ «հնարքը»՝ հույսով, որ դա որոշակի շրջանակների սրտերը կհուզի:
Ի՞նչ են ուզում ասել նման հնարքով քաղաքական գործիչները: Նախ՝ որ իբր իրենք ժողովրդի նման են, հասարակ են, ուտում են հասարակ բաներ՝ կարտոֆիլ, եղինջապուր, եգիպտացորեն, «պեռաշկի», «ցամաք հաց» և այլն: Երկրորդ՝ հոգեբանները նշում են, որ երբ որևէ գործիչ կամերայի առջև ուտում է, նա նվազ ագրեսիվ է երևում, իսկ դա Փաշինյանին շատ պետք է: Երրորդ՝ թիմի հետ ուտելը խորհրդանշում է «իրար հետ», միասնական թիմ լինելու գաղափարը: Վերջապես՝ երևի թե ամենկարևորը Փաշինյանի համար. նման «ռիլերը», ինչպես ցանկացած «շոու», ավելի շատ դիտում հավաքելու պոտենցիալ ունեն, քան, ասենք, «չոր խոսքը»: Իսկ դիտում հավաքելը Փաշինյանի համար չափազանց կարևոր նշանակություն ունի: Պատահական չէ, որ նա ժամանակ առ ժամանակ պարծենում է իր ունեցած դիտումների թվերով:
Հոգեբան Կարինե Նալչաջյանը մեզ հետ զրույցում նշում է, որ, բացի փիառային էլեմենտներից, կան նաև այլ գործոններ. «Սա էլ է մտածված: Ամեն ինչ անում են, որ մենք ստորանանք։ Ի վերջո, ամբողջ աշխարհn է տեսնում այս ամենը: Իրենց ամբողջ խնդիրը բարոյականության ոլորտում է, իրենք բարոյական ապրումներ չունեն։ Դա իրենց համար խորթ է։ Կարող են ոչ միայն իրենց ուտելը ցույց տալ, այլև ուրիշ տեսարաններ էլ ի ցույց դնել։ Բարոյականության ամենակարևոր բաղադրիչներից մեկը ամոթի զգացումն է։ Ամոթի զգացում, ուրիշի վիճակի մեջ մտնելու կարողություն. այս բաղադրիչներից գոյանում է բարոյականությունը, բարոյական վարքը։ Հիմա այս մարդը բարոյական վարք չունի, բացակայում են էթիկայի նորմերը, կուլտուրան, բարոյականությունը, և նա բացարձակապես վատ չի զգում, ասենք, ինչ-որ բան ծամելուց, կուլ տալուց և դա ցուցադրական անելուց։ Նա անձամբ այդպիսի բարիեր չունի, և դա օգտագործվում է մեր ազգին նվաստացնելու համար»։
Հ.Գ.- Հա, ի դեպ, սոցցանցերի շատ օգտատերեր հարց են տալիս Նիկոլ Փաշինյանին, թե նա ե՞րբ է կամերայի առջև ժենգյալով հաց ուտելու:
Մանրամասները՝ «Փաստ» օրաթերթի այսօրվա համարում
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
«Հանրային դաշինքը» քաղաքական հետապնդումների թեմայով հանրային քննարկում է հրավիրում
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Եվս մեկ անգամ վարչախմբին հորդորում ենք` ձեռքներդ հեռու՜ ՀՀ հիմնադիր փաստաթղթից. ՀայաՔվե
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Քաջարանը զարգանում ու գեղեցկանում է՝ պահպանելով իր յուրահատուկ դիմագիծն ու հարուստ արդյունաբերական ժ...
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
