Եթե մենք ուզում ենք իրականում ուժեղ պետություն, ապա պետք է սկսենք ամենակարևորից՝ զինվորին արժանապատիվ կյանքով ապահովվելուց. Ռուբեն Վելիցյան
Այլևս թույլ չենք լինելու:
Մեր երկրում՝ զինվորական ծառայության նկատմամբ տարիներով ձևավորված մոտեցումը սպառել է իրեն։
Պետությունը զինվորից պահանջել է առավելագույնը՝ անձնական զոհողություն, առողջություն, երբեմն՝ կյանք, սակայն փոխարենը չի ապահովել համարժեք համակարգային վերաբերմունք և ապագայի հստակ երաշխիքներ։
Սա Ուժեղ Հայաստանի համար՝ այլևս անընդունելի է։
2020 թվականի պատերազմը բացահայտեց ոչ միայն արտաքին սպառնալիքների հանդեպ մեր անկարողությունը, այլ նաև ներքին համակարգային լուրջ խնդիրներ։
Մեր զինվորները կատարել են իրենց պարտքը մինչև վերջ, իսկ պետությունը՝ ոչ։
Ավելին՝ պատերազմից հետո հազարավոր զինվորներ մնացել են միայնակ իրենց խնդիրների հետ՝
առանց լիարժեք հոգեբանական աջակցության,
առանց կայուն սոցիալական ապահովության,
առանց հստակ վերաինտեգրման քաղաքականության։
Սա կարելի է ասել համակարգային ձախողում է։
«Ուժեղ Հայաստան»-ը առաջարկում է այս իրավիճակի արմատական փոփոխություններ.
Զինվորական ծառայությունը մեր զինվորների համար պետք է դառնա ոչ թե իրենց կյանքից ժամանակային կորուստ, այլ հնարավորություն։
Յուրաքանչյուր ժամկետային զինծառայող պետք է ստանա արժանապատիվ վարձատրություն՝ գոնե նվազագույն աշխատավարձի չափով, այլ ոչ թե «գրպանի ծախս»։
Ծառայությունն ավարտելուց հետո պետությունը պարտավոր է ապահովել
անվճար բարձրագույն կամ մասնագիտական կրթություն՝ որպես կյանքի նոր փուլ սկսելու իրական հնարավորություն։
Մեր վետերանները կունենան երկարաժամկետ
բժշկական և հոգեբանական աջակցություն, արտոնյալ բնակարանային ծրագրեր և աշխատանքի առաջնահերթ հնարավորություններ պետական ծառայության տարբեր ոլորտներում։ Հայրենիքին ծառայելը պետք է նոր դռներ բացի երիտասարդի առաջ։
Ով պաշտպանում է պետությունը,
պետք է այդ պետության մեջ ունենա առավելություն ապրելու և զարգանալու համար։
Սա բարեգործություն չէ, սա պետության պարտքն է իր պաշտպանների նկատմամբ։
«Ուժեղ Հայաստան»-ը գալիս է վերականգնելու այդ հավասարակշռությունը պետության և պետականության պաշտպանի միջև։
Եթե մենք ուզում ենք իրականում ուժեղ պետություն, ապա պետք է սկսենք ամենակարևորից՝ զինվորին արժանապատիվ կյանքով ապահովվելուց։
Զինվորին հարգող պետությունն է իրականում ուժեղ։
Որպես պատասխանատու քաղաքական ուժ տեր ենք և հաշվետու մեզ վստահված քվեների համար․ Մարիաննա Ղահրամանյան
Փաշինյանի հակառուսական քաղաքականության պատճառով Ռուսաստանն այլևս չի ընդումում մթերք․ հարցում
Ավետիքը պինդ է, նա գիտի՝ ինչի համար է պայքարում. Ցոլակ Ակոպյան
Ապրիլ-մայիսին հազարավոր մարդկանց գաղտնալսել են՝ 258 մեղադրյալ կա. Արամ Վարդևանյան
Սենատում կրած իր պարտությունը նախագահ Թրամփը վերածեց հաղթանակի․ Արտակ Զաքարյան
«Քրիստոնեական համերաշխություն» միջազգային իրավապաշտպան կազմակերպությունը խոր մտահոգություն է հայտնու...
ԶՊՄԿ-ում շարունակվում են աշխատակիցների ատեստավորման և վերապատրաստման ծրագրերը
Կրթությունը Զանգեզուրի պղնձամոլիբդենային կոմբինատի սոցիալական ներդրումների առաջնահերթ ուղղություններ...
Հայաստանին պետք են ազատ, անկախ և թափանցիկ ընտրություններ
Պայծառ կապույտ մազեր և փիրսինգ. Նորթ Ուեսթը զարմացրել է Փարիզի նորաձևության շաբաթվա հանդիսատեսին
