Պետության կառուցման ու պետության կազմաքանդման հակադրությունը. «Փաստ»
«Փաստ» օրաթերթը գրում է.
Հայաստանի անկախ պետականության վերականգնումից ի վեր երկրի նախորդ բոլոր նախագահների՝ Լևոն Տեր-Պետրոսյանի, Ռոբերտ Քոչարյանի, Սերժ Սարգսյանի պաշտոնավարման ժամանակ միշտ էլ այս կամ այն հարցերի վերաբերյալ եղել են դժգոհություններ: Եղել են օբյեկտիվ դժգոհություններ, եղել են նաև սուբյեկտիվ դժգոհություններ: Եղել են միֆականացված և հետևողական քարոզչությամբ ուռճացված դժգոհություններ: Բայց եղել են նաև արդարացի ու հիմնավորված դժգոհություններ: Հիմնականը՝ դժգոհություններ եղել են, սխալներ, թերություններ, անընդունելի երևույթներ եղել են: Սա որևէ մեկը չի վիճարկում: Ավելին, ակնհայտ է, որ եթե երկրում չլինեին խորքային խնդիրներ ու դժգոհություններ, 2018-ի փորձանքն էլ չէր լինի՝ իր աղետաբեր հետևանքներով:
Բայց այս ամենի հետ միասին չի կարելի չարձանագրել մեկ կարևոր հանգամանք՝ այդ բոլոր տարիներին կառուցվել է պետություն, կառուցվել է պետականություն, կառուցվել են ինստիտուտներ: Բանակ է կառուցվել, անվտանգություն է կառուցվել, դիվանագիտություն է կառուցվել: Արցախ ենք ունեցել: Ապահովության զգացում ենք ունեցել: Պետության ու պետականության զգացում ենք ունեցել:
Իսկ ի՞նչ է կատարվում հիմա, ի՞նչ ունենք այսօր:
Հիմա պետության ղեկավարի դիրքն զբաղեցնող Նիկոլ Փաշինյանը ելնում ու բացեիբաց հայտարարում է նույնը, ինչ մեր ազգի, մեր ժողովրդի, մեր պետության թշնամիները: Նա ժողովրդին ահաբեկում է պատերազմի սպառնալիքով: Բայց դա էլ դեռ մի կողմ: Փաշինյանն ասում է՝ Անկախության հռչակագիրը կոնֆլիկտային է, Ղարաբաղյան շարժումը կոնֆլիկտի մասին է, Հայ առաքելական եկեղեցին կոնֆլիկտ է, Հայոց ցեղասպանությունը հիշելը կոնֆլիկտ է, Արարատին նայելը կոնֆլիկտ է: Կարսը, Վանը, Բիթլիսը հիշելը կոնֆլիկտ է: Մի խոսքով, անցյալ ու պատմություն ունենալը կոնֆլիկտ է: Իսկ ի՞նչ է հետո ասելու՝ որ Մեսրոպ Մաշտոցն ու Հայոց գրերը ևս... կոնֆլիկտի մասի՞ն են...
Ու մտորում ես՝ այսքան վախեցա՞ծ, այսքան անարժանապատի՞վ, այսքան զիջո՞ղ...
Այո, Փաշինյանը ցանկանում է ջնջել Անկախության հռչակագիրը: Բայց ինչպե՞ս կարելի է ջնջել պետության ստեղծման հիմքում դրված անկյունաքարը, հռչակագիրը:
Դա նշանակում է կազմաքանդել պետականությունը, կրծել պետության հիմքը:
Օրերս նշել էինք, կրկնենք. խոսքը Սահմանադրության նախաբանում գրված մեկ կամ երկու նախադասության մասին չէ: Խոսքը կամ Փաշինյանի ցանկությունը Անկախության հռչակագիրը վերացնելն է: Դա, եթե կարճ ու կոնկրետ՝ նշանակում է Հայաստանի Հանրապետության լուծարում: Կազմաքանդում, էլի:
Ի դեպ, արդեն կան տեղեկություններ, այսպես կոչված, սահմանադրական փոփոխությունների մասին: Թռուցիկ հայացքն իսկ բավարար է հասկանալու համար անհայտը. բոլոր այդ փոփոխությունները, որոնք փորձ է արվելու անցկացնել, այո, պետության կազմաքանդման մասին են, արժեքային համակարգի ու ազգայինի կազմաքանդման մասին են: Այսինքն, սահմանադրական «կնիք» դնելու այն ամենի վրա, ինչի համար եկել են իշխանության:
Այս տեմպերով վաղը, մյուս օրը Հայաստանում հայ կոչվելը կհամարվի կոնֆլիկտի հրահրում: Այն շղթան, որը շանտաժով ու պատերազմի սպառնալիքներով գծում ու նախագծում է Փաշինյանը, վերջնական հանգրվանում հանգում է հենց պատմության մոռացմանը, ազգային ինքնության ուրացմանը, մարդկային էության զրոյացմանը, մեծ հաշվով՝ չգոյությանը...
ԱՐՄԵՆ ՀԱԿՈԲՅԱՆ
Մանրամասները՝ «Փաստ» օրաթերթի այսօրվա համարում
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
«Հանրային դաշինքը» քաղաքական հետապնդումների թեմայով հանրային քննարկում է հրավիրում
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Եվս մեկ անգամ վարչախմբին հորդորում ենք` ձեռքներդ հեռու՜ ՀՀ հիմնադիր փաստաթղթից. ՀայաՔվե
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Քաջարանը զարգանում ու գեղեցկանում է՝ պահպանելով իր յուրահատուկ դիմագիծն ու հարուստ արդյունաբերական ժ...
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
