Տնտեսական զարգացման նոր օրակարգ. որքանո՞վ իրատեսական է «Ուժեղ Հայաստան»-ի ծրագիրը
Հայաստանի քաղաքական և տնտեսական օրակարգում շարունակվում են քննարկումները այն նախաձեռնությունների շուրջ, որոնք կարող են ապահովել երկրի տնտեսական վերականգնումը և սոցիալական խնդիրների արդյունավետ լուծումը։ Այս համատեքստում «Ուժեղ Հայաստան» կուսակցությունը շարունակում է հանրությանը ներկայացնել իր տնտեսական ծրագրի հիմնական դրույթները՝ առաջարկելով քայլեր, որոնք միտված են խթանելու տնտեսական աճը, բարելավելու քաղաքացիների կենսամակարդակը և նվազեցնելու արտագաղթի վտանգը։
Կուսակցության նախագահ, գործարար և բարերար Սամվել Կարապետյանի ներկայացրած տնտեսական ծրագիրը, ըստ նախաձեռնողների, ուղղված է երկրի տնտեսական ներուժի լիարժեք օգտագործմանը և երկարաժամկետ զարգացման հիմքերի ձևավորմանը։ Ծրագրի առանցքում տնտեսական ակտիվության խթանումն է, ներդրումների ներգրավումը և սոցիալական կայունության ապահովումը։ Նախաձեռնության հեղինակները վստահ են, որ համապարփակ տնտեսական քաղաքականությունը կարող է նպաստել Հայաստանի տնտեսական համակարգի ամրապնդմանը և ստեղծել նոր հնարավորություններ քաղաքացիների համար։
Թե որքանով է ներկայացված ծրագիրը կիրառելի և իրատեսական Հայաստանի պայմաններում, «Փաստ»-ի հետ զրույցում անդրադարձել է Մարդկային զարգացման միջազգային կենտրոնի ղեկավար, Ազգային ժողովի նախկին պատգամավոր, քաղաքագետ Թևան Պողոսյանը։ Նրա գնահատմամբ՝ կարևոր է, որ քաղաքական դաշտում ձևավորվում են նոր նախաձեռնություններ, որոնք փորձում են առաջարկել զարգացման այլընտրանքային ուղիներ։
«Առաջինը ուրախ եմ, որ ձևավորվում է նոր ուժ։ Իմ պատկերացմամբ՝ նվիրյալ աշխատանքի և հետևողական մոտեցման դեպքում այդ ծրագիրը կարող է դառնալ այն նախաձեռնություններից մեկը, որը հանրության մեջ հավատ է ներշնչում և հնարավորություն է տալիս խոսել զարգացման ավելի հստակ հեռանկարների մասին», նշել է Թևան Պողոսյանը։
Նրա խոսքով՝ Հայաստանի զարգացման համար կարևոր է, որ քաղաքական ուժերը հանդես գան ոչ միայն քննադատությամբ, այլև ներկայացնեն հստակ ծրագրեր և լուծումներ։ Տնտեսական զարգացման տեսլականի առկայությունը, ըստ քաղաքագետի, անհրաժեշտ պայման է երկարաժամկետ կայունության ապահովման համար։
«Ուժեղ Հայաստան» կուսակցության ներկայացրած տնտեսական ծրագիրը, ըստ նախաձեռնողների, առանձնանում է իր ընդգրկունությամբ և բազմաշերտությամբ։ Այն նախատեսում է արտոնյալ պայմաններ փոքր և միջին ձեռնարկատիրության համար, երիտասարդ ընտանիքների համար մատչելի բնակարանային ծրագրերի իրականացում, ինչպես նաև լայնածավալ զբաղվածության քաղաքականություն։ Ծրագրի առանցքային նպատակներից է մինչև 300 հազար նոր աշխատատեղերի ստեղծումը, որը, ըստ հեղինակների, կարող է էականորեն նպաստել տնտեսության ակտիվացմանը և սոցիալական կայունության ամրապնդմանը։
Ծրագրում առանձնահատուկ ուշադրություն է դարձվում նաև երկրի համաչափ զարգացման գաղափարին։ Նախաձեռնության հեղինակները նշում են, որ տնտեսական քաղաքականությունը պետք է ուղղված լինի ոչ միայն մայրաքաղաքի, այլև մարզերի զարգացմանը՝ ստեղծելով նոր տնտեսական հնարավորություններ ամբողջ հանրապետության տարածքում։
Այսպիսով, «Ուժեղ Հայաստան» կուսակցության տնտեսական նախաձեռնությունը փորձում է ձևավորել զարգացման այնպիսի օրակարգ, որը համադրում է տնտեսական աճի խթանումը և սոցիալական խնդիրների լուծումը։ Թե որքանով այս առաջարկները կստանան լայն աջակցություն և կվերածվեն գործնական քաղաքականության, ցույց կտան առաջիկա քաղաքական և հասարակական քննարկումները։
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
«Հանրային դաշինքը» քաղաքական հետապնդումների թեմայով հանրային քննարկում է հրավիրում
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Եվս մեկ անգամ վարչախմբին հորդորում ենք` ձեռքներդ հեռու՜ ՀՀ հիմնադիր փաստաթղթից. ՀայաՔվե
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Քաջարանը զարգանում ու գեղեցկանում է՝ պահպանելով իր յուրահատուկ դիմագիծն ու հարուստ արդյունաբերական ժ...
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
