ՔՊ-ում չեն դադարում խմորումները ընտրական ցուցակի շուրջ
Մինչ «Քաղաքացիական պայմանագիր» կուսակցության առաջին 50 համարները շարունակում են ընտրարշավը՝ Նիկոլ Փաշինյանի գլխավորությամբ, իրենց «ուրախ ավտոբուսով», ՔՊ-ում չեն դադարում խոսակցությունները ընտրական ցուցակի ձևավորման քվեարկության ժամանակ տեղի ունեցած խախտումների մասին, չի բացառվում, որ ընտրական ցուցակը վերջնարդյունքում բոլորովին այլ տեսք ունենա։
«Փաստի» աղբյուրների փոխանցմամբ, Փաշինյանին մի քանի հստակ դրվագներով ներկայացրել են կոնկրետ մարդկանց կատարած խախտումներ, որոնք հիմնականում վերաբերում են առաջին փուլում որոշ թեկնածուների կողմից ընտրարշավի ժամանակ տարբեր պատվիրակների զանգելու և խնդրելու հանգամանքին։
Դրանով պայմանավորված՝ առաջին 50 համարներում ընդգրկված թեկնածուներից մեկին պարզապես հեռացրել են ընտրական ցուցակից։ Արդեն երկրորդ հիսնյակում նման դեպքերը շատ ավելին են, և որոշ պատվիրակների պարզապես խնդրելու են ինքնաբացարկ հայտարարել և դուրս գալ՝ հայտարարելով, թե շարունակելու են աշխատանքը գործադիրում։ Բանն այն է, որ Փաշինյանն այսօր խիստ կախված է իր խմբակցության բարեհաճությունից և ստիպված է խաղալ նրանց կանոններով, իսկ հին քպականները, որոնցից շատերը բավականին հետ հորիզոնականներում են հանգրվանել, կարող են նույնիսկ մինչև խորհրդարանական ընտրությունները խնդիր դառնալ Փաշինյանի համար։
Մասնավորապես, շատերը, եթե հասկանան, որ իրենք նոր խորհրդարանում տեղ չեն ունենալու, Փաշինյանն էլ իրենց հստակ պաշտոնների նշանակելու խոստումներ չի տալու, չի բացառվում, որ պարզապես անցնեն ընդդիմության կողմը և քվեարկեն իմպիչմենտի օգտին։ Առավել ևս, ՀՀԿ թեկնածու Դավիթ Համբարձումյանի վերջին կոչը՝ իմպիչմենտի գործընթացը շարունակելու վերաբերյալ, լուրջ մտահոգություններ է առաջացրել «Քաղաքացիական պայմանագրի» ղեկավարության ներսում։ Կարծում են, թե այս ամենը մի շղթայի մաս է կազմում, ուստի և Փաշինյանը անձամբ է զանգահարել մի քանի պատգամավորների, խոստացել, որ նրանք ընտրական ցուցակում շատ ավելի բարձր դիրքերում կլինեն, քան առաջին փուլի քվեարկության արդյունքներով է կազմվել։
Մեր աղբյուրը հայտնել է, որ ՔՊ-ում խոսակցությունները չեն դադարում, ընդհուպ պահանջում են քննություն իրականացնել։
Աննա Մարգարյան
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
«Հանրային դաշինքը» քաղաքական հետապնդումների թեմայով հանրային քննարկում է հրավիրում
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Եվս մեկ անգամ վարչախմբին հորդորում ենք` ձեռքներդ հեռու՜ ՀՀ հիմնադիր փաստաթղթից. ՀայաՔվե
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Քաջարանը զարգանում ու գեղեցկանում է՝ պահպանելով իր յուրահատուկ դիմագիծն ու հարուստ արդյունաբերական ժ...
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
