Փաշինյանը մեկնել է Վաշինգտոն՝ Թրամփի արկածախնդրությանը մասնակցելու
Նիկոլ Փաշինյանը աշխատանքային այցով մեկնել է Միացյալ Նահանգներ։ Կառավարության լրատվական վարչության փոխանցմամբ՝ փետրվարի 19-ին Վաշինգտոնում վարչապետը կմասնակցի «Խաղաղության խորհրդի» անդրանիկ նիստին։ Անցյալ ամիս Հայաստանի և Ադրբեջանի ղեկավարները ընդունել էին նախաձեռնությանը միանալու առաջարկությունը և Դավոսի տնտեսական ֆորումի շրջանակում ներկա են գտնվել կանոնադրության ստորագրության պաշտոնական արարողությանը։ Ի սկզբանե հայտարարվել էր, որ այս նախաձեռնությունը Գազայի վերականգնումն է վերահսկելու, այժմ, սակայն, Թրամփն ավելի մեծ խնդիրներ է դրել խորհրդի առջև՝ հայտարարելով, թե այն պետք է լուծի գլոբալ հակամարտությունները։
Ավելին, բազմաթիվ փորձագետներ և միջազգային լրատվամիջոցներ կարծում են, որ Թրամփն այս նախաձեռնությամբ ցանկանում է կազմաքանդել Միավորված ազգերի կազմակերպությունը և ստեղծված նոր աշխարհակարգի պայմաններում իրեն հավատարիմ ու Միացյալ Նահանգների շահերից գործող կառույց ստեղծել։ Զուր չէ, որ եվրոպական բազմաթիվ պետություններ պարզապես հրաժարվել են մասնակցել «Խաղաղության խորհրդին»։ Նույնիսկ Վատիկանն է հայտարարել, որ մտադիր չէ մասնակցել, թեպետ Իտալիան ցանկություն է հայտնել մասնակցել որպես դիտորդ, այսինքն՝ առայժմ պատասխանատվություն չստանձնել։
Այս կառույցի անդամ, բնականաբար, չեն դարձել և չեն էլ դառնա Չինաստանը, Իրանը, Ռուսաստանը՝ հստակ հասկանալով, որ այդ «Խաղաղության խորհուրդն» առաջին հերթին ուղղված է հենց իրենց դեմ, ուստի և Հայաստանի ու Ադրբեջանի ղեկավարների այս ինքնամոռաց մասնակցությունը Թրամփի հերթական վտանգավոր նախաձեռնությանը աշխարհաքաղաքական և տարածաշրջանային լուրջ հետևանքներ է ունենալու։ Ինչ-որ պահի թե՛ Հայաստանին, և թե՛ Ադրբեջանին կանգնեցնելու են փաստի առաջ, ուստի անդամակցելուց առաջ հարկավոր էր ավելի լավ մտածել։
Լուսինե Մեհրաբյան
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
«Հանրային դաշինքը» քաղաքական հետապնդումների թեմայով հանրային քննարկում է հրավիրում
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Եվս մեկ անգամ վարչախմբին հորդորում ենք` ձեռքներդ հեռու՜ ՀՀ հիմնադիր փաստաթղթից. ՀայաՔվե
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Քաջարանը զարգանում ու գեղեցկանում է՝ պահպանելով իր յուրահատուկ դիմագիծն ու հարուստ արդյունաբերական ժ...
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
