Ալլա Պուգաչովային քննադատել են չափազանց շատ ու անբնական պլաստիկ վիրահատությունների համար

49-ամյա Մաքսիմ Գալկինը սոցցանցերում հրապարակել է կնոջ՝ Ալլա Պուգաչովայի հետ նոր լուսանկարներ։

76-ամյա դերասանուհին հազվադեպ է կիսվում իր լուսանկարներով,  նոր լուսանկարները բուռն քննարկումներ են առաջացրել առցանց։ Շատ օգտատերեր կարծիք են հայտնել, որ նա չափազանց շատ է օգտագործում պլաստիկ վիրահատություններն ու ֆիլտրերը։ Գրում է Spletnik-ը:

Մեկնաբանություններում բաժանորդները քննարկում են Պուգաչովայի արտաքին տեսքը։ Շատերը նշել են, որ երգչուհին այլևս նման չէ իրեն և ենթադրել են, որ նա չափից շատ է տրվել պլաստիկ վիրահատությունների։ Օգտատերերը կարծում են, որ Պուգաչովան շրթունքների լիցք և դեմքի լիֆթինգ է արել։ «Շատ տխուր է տեսնել, թե ինչպես են տարեց կանայք փորձում ավելի երիտասարդ տեսք ունենալ։ Նրանց դեմքերը լարված են, շրթունքները՝ ուռած, և դա անբնական տեսք ունի։ Ես հասկանում եմ, որ բոլորը ցանկանում են երկարացնել իրենց երիտասարդությունը, բայց այս տեսարանը խրախուսելի չէ», «Բացարձակապես անճանաչելի, ոչ մի նմանություն հին Պուգաչովային» և «Ալլա՛։ Որքա՞ն դեռ պետք է վերականգնվես։ Հիմա դու այլմոլորակայինի ես նման», - գրել են մեկնաբանություններում։ 

Հիշեցնենք, որ 2022 թվականին Ալլա Պուգաչովան և Մաքսիմ Գալկինը դատապարտեցին հատուկ գործողությունը և իրենց երեխաների հետ լքեցին Ռուսաստանը։ Սկզբում ընտանիքը բնակություն հաստատեց Իսրայելում, բայց ավելի ուշ տեղափոխվեց Կիպրոս։ Նրանք նաև հաճախ են այցելում Լոնդոն, որտեղ սովորում են 12-ամյա Լիզան և Հարրին (ծնված փոխնակ մոր միջոցով), և Յուրմալա, որտեղ նրանք ունեն սեփականություն։