Հրապարակա՛վ պաշտպանել Հայաստանի բարեկամ Իրանին․ ահա՛ Հայաստանի իշխանության այսօրվա անելիքը. Խաչիկ Ասրյան
Շնորհավորո՛ւմ ենք Իրանին՝ Ազգային տոնի առթիվ
Իրանը Հայաստանի համար միակ հարևանն է, որը ոչ միայն չի սպառնացել Հայաստանի տարածքային ամբողջականությանը, այլ մշտապես հանդես է եկել Հայաստանի սահմանների անխախտելիության օգտին։
Հայաստանի հարևան, բարեկամ և բնական դաշնակից Իրանի նկատմամբ միջազգային ճնշումները, ռազմական սպառնալիքները և բացահայտ թշնամական հռետորաբանությունն ուղիղ կերպով առնչվում են նաև Հայաստանին։
Այս պահին, երբ Ամերիկան բացահայտ քննարկում է Իրանի դեմ ռազմական հերթական հարձակման հնարավորությունը, երբ Իրանի ու նրա ժողովրդի գլխին կախված է պատերազմի սպառնալիքը, Հայաստանի իշխանությունը պարտավոր է հրապարակավ հայտարարել, որ ամբողջությամբ սատարում և պաշտպանում է Իրանին և Իրանի ժողովրդին, որ Իրանի դեմ պատերազմը պատերազմ է Հայաստանի դեմ։
Եթե Իրանի դեմ պատերազմ սկսվի, այն անմիջապես վերաբերելու է նաև Հայաստանին․ այդ նույն պատերազմն ուղղակի ոչնչացնելու է Հայաստանի սահմանները, Հայաստանի անվտանգությունը, Հայաստանի տնտեսությունը։
Այս իրավիճակում Հայաստանի իշխանության այսօրվա անելիքը մեկն է՝ հրապարակավ պաշտպանել Հայաստանի բարեկամ Իրանին՝ միջազգային հարթակներում, քաղաքական հայտարարություններում, անհրաժեշտության դեպքում՝ նաև ռազմական աջակցությամբ։
Հայաստանի իշխանությունը պարտավոր է հասկանալ, որ պատմական պահերին պահանջվում են պատմական որոշումներ։ Եվ, այսօր այդ որոշումը մեկն է՝ կանգնել Իրանի և Իրանի ժողովրդի կողքին՝ որպես արժանապատիվ հարևան, բարեկամ և դաշնակից։
Հրապարակա՛վ պաշտպանել Հայաստանի բարեկամ Իրանին․ ահա՛ Հայաստանի իշխանության այսօրվա անելիքը։
Շնորհավորո՛ւմ ենք բարեկամ Իրանի Իսլամական Հանրապետության բարձրագույն իշխանությանը և Իրանի բարեկամ ժողովրդին՝ Իսլամական հեղափոխության 47-րդ տարեդարձի՝ Ազգային տոնի կապակցությամբ։ Այս նշանակալի օրը խորհրդանշում է Իրանի ժողովրդի ինքնիշխան կամքը, ազգային ինքնության ամրապնդումը և պետության զարգացման կարևոր ուղին։
Մաղթում ենք Իրանին և Իրանի ժողովրդին խաղաղություն, բարգավաճում, նորանոր հաջողություններ։
Խաչիկ Ասրյան
«Հայոց Արծիվներ. Միասնական Հայաստան» կուսակցության Նախագահ,
«Հայոց Արծիվներ» կամավորական մարտական ջոկատի Հրամանատար,
44-օրյա, Ապրիլյան և Արցախյան պատերազմների կամավոր մասնակից,
«Մարտական Խաչ» 1-ին աստիճանի շքանշանակիր,
Գնդապետ
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
«Հանրային դաշինքը» քաղաքական հետապնդումների թեմայով հանրային քննարկում է հրավիրում
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Եվս մեկ անգամ վարչախմբին հորդորում ենք` ձեռքներդ հեռու՜ ՀՀ հիմնադիր փաստաթղթից. ՀայաՔվե
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Քաջարանը զարգանում ու գեղեցկանում է՝ պահպանելով իր յուրահատուկ դիմագիծն ու հարուստ արդյունաբերական ժ...
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
