Ավստրիայում կայանալիք եպիսկոպոսաց ժողովը՝ հարցականի տակ
Հայ առաքելական եկեղեցու սրբազանների կալանավորումը, օրերս էլ վեց եպիսկոպոսների դեմ քրեական մեղադրանքներ հարուցելը և նրանց նկատմամբ խափանման միջոց՝ բացակայելու արգելք սահմանելը լուրջ խնդիրներ է հարուցել Մայր Աթոռի համար։ Ըստ էության, Փաշինյանն ամեն ինչ անում է, որպեսզի խափանի փետրվարի 16-ից 19-ը Ավստրիայի Սանկտ Փյոլթըն քաղաքում նախատեսված եպիսկոպոսաց ժողովը։ Մեր աղբյուրների փոխանցմամբ՝ Մայր Աթոռում վերջին օրերին բավականին բուռն քննարկումներ են ընթանում՝ ինչ անել եպիսկոպոսաց ժողովի հետ։
Հիշեցնենք՝ մեկ անգամ արդեն Էջմիածնում նախատեսված ժողովը Մայր Աթոռը հետաձգել էր՝ պատճառաբանելով իշխանությունների բռնաճնշումները, և որոշում էր կայացրել ժողովն անցկացնել փետրվարին՝ Հայաստանի տարածքից դուրս։ Փաշինյանական իշխանություններն ամեն ինչ անում են, որպեսզի այս ժողովն էլ խափանեն։ Այժմ Մայր Աթոռում քննարկվում է երկու տարբերակ՝ ժողովն անցկացնել Հայաստանի տարածքում և, անկախ բռնաճնշումներից, ապահովել բոլոր ազատության մեջ գտնվող ու կաթողիկոսին հավատարիմ հոգևորականների մասնակցությունը՝ ներկայացնելով իրենց մոտեցումները և դատապարտելով իշխանության քայլերը, կամ էլ՝ անկախ ամեն ինչից, ժողովը կազմակերպել և իրականացնել հենց Ավստրիայի Սանկտ Փյոլթըն քաղաքում։
Մեր աղբյուրը նշել է, որ առայժմ վերջնական որոշում չկա, սակայն Մայր Աթոռում որոշել են չխաղալ իշխանության խաղը և հնարավորության դեպքում ժողովը անցկացնել այնպես, ինչպես նախապես պլանավորվել է, նույնիսկ եթե փաշինյանական իշխանությունը համարձակվի կալանավորել Ամենայն հայոց կաթողիկոսին։
Իսկ որ նման քայլի Փաշինյանը կարող է գնալ, գրեթե որևէ մեկը չի կասկածում։ Ավելին, գործող իշխանությունները բացեիբաց սպառնալիքներ են փոխանցում Մայր Աթոռին, որ եթե ժողովը կայանա Ավստրիայում, ապա Գարեգին Բ կաթողիկոսին կկալանավորեն և թույլ չեն տա ժողովի իրականացումը։ Բնականաբար, եթե իշխանությունները համապատասխան ապացուցողական բազա և հանրային աջակցություն ունենային, Գարեգին Բ-ին արդեն իսկ կալանավորած կլինեին։
Փաշինյանն ինքն էլ հասկանում է իր խաղի վտանգավորությունը, որ ինչ-որ պահի ամեն ինչ կարող է դուրս գալ իր վերահսկողությունից, և միայն խամաճիկ դարձած իրավապահ համակարգի միջոցով հնարավոր չի լինելու զսպել հանրության բողոքի ալիքը։ Սակայն նա այնքան է թաթախվել այս կեղտոտ խաղի մեջ, որ, ըստ էության, այլ տարբերակ այլևս չունի։
Մանե Սարգսյան
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
«Հանրային դաշինքը» քաղաքական հետապնդումների թեմայով հանրային քննարկում է հրավիրում
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Եվս մեկ անգամ վարչախմբին հորդորում ենք` ձեռքներդ հեռու՜ ՀՀ հիմնադիր փաստաթղթից. ՀայաՔվե
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Քաջարանը զարգանում ու գեղեցկանում է՝ պահպանելով իր յուրահատուկ դիմագիծն ու հարուստ արդյունաբերական ժ...
