Իրանը մեծ ճամփաբաժանին
Իրանում զանգվածային անկարգությունները գնալով ավելի ու ավելի մեծ տարածում են ստանում։ Ակնհայտորեն հրահրված լինելով Արևմուտքի և, մասնավորապես, ԱՄՆ-ի կողմից, այսօր առավոտվա դրությամբ արդեն զանգվածային անկարգությունները տարածել են Իրանի գրեթե 280 քաղաքներում, իսկ ցուցարարներն էլ անցել են վճռական գործողությունների՝ ընդհուպ հրդեհելով կառավարական շենքեր։ Իրանում պարբերաբար ամեն տարի էլ անկարգություններ լինում են, բայց նման ծավալի հակակառավարական գործողություններ առաջին անգամ են։ Նաև առաջին անգամն է, որ ուղղակիորեն խաղի մեջ է ներդրվել Իրանի նախկին շահի որդին՝ Ռեզա Փեհլևին, որն էլ սոցիալական ցանցերով անընդհատ կոչեր է հնչեցնում։ Արևմտյան մամուլն էլ կեղծիքներ է տարածում, իբր շահի որդին ընդդիմության առաջնորդն է և հանրության մեծ մասը աջակցում է նրան։
Կրակի վրա էլ յուղ են լցնում ԱՄՆ նախագահ Դոնալդ Թրամփի բացահայտ սպառնալիքները։ Վերջինս հայտարարել է, որ կհարվածեն Իրանին, եթե հանկարծ Իրանի իշխանությունները ուժ կիրառեն ցուցարարների նկատմամբ։ Միացյալ Նահանգների և Իսրայելի ներգրավվածությունը ակնհայտ է, և հենց այս երկու ուժեր են առաջնահերթ շահագրգռված Իրանում իշխանությունը փոխելու։ Վենեսուելայից հետո ակնհայտ էր, որ հակաամերիկյան քաղաքականությամբ հայտնի տարբեր երկրներ հայտնվելու են Վաշինգտոնի թիրախում։ Ոչ միայն Իրանին, այլ նաև Կուբային այժմ սպառնում են, ահռելի միջոցներ են ծախսումայդ երկրներում բողոքի գործողություններ կազմակերպելու համար։
Ըստ վերլուծաբանների, Իրանը կկարողանա պատվով դուրս գալ այս բողոքի գործողություններից, առնվազն հեղափոխություն չի լինի, իսկ այաթոլաների ռեժիմը կշարունակի գործել, բայց ակնհայտորեն, Իրանը այս ամենից դուրս կգա բավականին լուրջ թուլացած, իսկ դա հենց բխում է առաջին հերթին տարածաշրջանի մյուս երկրների, հատկապես Թուրքիայի և Ադրբեջանի շահերից, որոնք թեպետ ոչինչ դեռ չեն ձեռնարկում, բայց և կողքից հետևում են։ Չի բացառվում, որ նաև փորձում են հրահրել։ Ի դեպ, ուշագրավ է, որ Իրանում բնակվող ադրբեջանցիները չեն մասնակցում բողոքի գործողություններին։ Դա էլ, ըստ ամենայնի, կապված է այն հանգամանքի հետ, որ Իրանի գործող նախագահը՝ Մասուդ Փեզեշքիանը, ծագումով ատրպատականցի է։ Ինչ էլ որ լինի, Իրանում կատարվողը բավականին լուրջ հետևանքներ է ունենալու տարածաշրջանի և, մասնավորապես, Հայաստանի վրա։
Լուիզա Կիրակոսյան
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Եվս մեկ անգամ վարչախմբին հորդորում ենք` ձեռքներդ հեռու՜ ՀՀ հիմնադիր փաստաթղթից. ՀայաՔվե
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Քաջարանը զարգանում ու գեղեցկանում է՝ պահպանելով իր յուրահատուկ դիմագիծն ու հարուստ արդյունաբերական ժ...
