«Շիշ բռնողին» այլևս չի հաջողվի բռնել Փաշինյանի շիշը
Ազգային ժողովի պատգամավոր, «Շիշ բռնող» մականունով Հայկ Սարգսյանը հաջորդ խորհրդարանում, ըստ ամենայնի, չի լինի։ Օրերս «Քաղաքացիական պայմանագիր» կուսակցության վարչությունը իր նիստում վերջինիս գրանցումը մերժել է, իսկ այդ հարցում վարչությունը գրեթե միակարծիք է եղել։ Վարչության 20 անդամներից միայն երեքն են կողմ եղել Հայկ Սարգսյանի գրանցմանը։
Հայկ Սարգսյանի նկատմամբ նման վերաբերմունքը բավականին երկար պատմություն ունի, բայց առաջին հերթին կապված է նրա հոր՝ Զարեհ Սարգսյանի հետ։ Վերջինս, տևական ժամանակ, լրջորեն օգնել է Նիկոլ Փաշինյանին, այդ թվում նաև «հեղափոխությունից» առաջ։ 2018 թվականի իշխանափոխության օրերին Հայկ և Նաիրի Սարգսյանները Նիկոլ Փաշինյանի կողքին են եղել անընդհատ, «Շիշ բռնող» մականունն էլ այն ժամանակներից է մնացել։ Իշխանություն վերցնելուց հետո Հայկ Սարգսյանը պաշտոն ստացավ նախ ՊՎԾ-ում, ապա և գնաց խորհրդարան, իսկ եղբայրը տևական ժամանակ Նիկոլ Փաշինյանի օգնականն էր։
Պաշտոնի լուրջ հավակնություններ ուներ նաև նրանց հայրը՝ Զարեհ Սարգսյանը, ով Ռոբերտ Քոչարյանի օրոք մի քանի տարի դատապարտված է եղել կաշառակերության հոդվածով։ Ու վերջինիս ամբիցիաները Փաշինյանն անընդհատ զսպել է, բայց և խորհրդարանում Հայկ Սարգսյանին հաջողվել է խաթարել հարաբերությունները կուսակիցների հետ։ Հատկապես օնլայն և սովորական խաղատների վերաբերյալ նրա հայտարարությունների, Ազգային ժողովի նախագահ Ալեն Սիմոնյանի հետ ունեցած կոնֆլիկտի պատճառով է, որ վերջինս այժմ դուրս է մնում խորհրդարանական ընտրացուցակից ու թեպետ խոստանում է իր չգրանցումը բողոքարկել «Քաղաքացիական պայմանագիր» կուսակցության համապատասխան մարմիններում, բայց ակնհայտ է, որ «Շիշ բռնողին» այլևս չի հաջողվի բռնել Փաշինյանի շիշը։
Նոնա Լալայան
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Եվս մեկ անգամ վարչախմբին հորդորում ենք` ձեռքներդ հեռու՜ ՀՀ հիմնադիր փաստաթղթից. ՀայաՔվե
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
