Փաշինյանն անցել է «ռուբիկոնը». Վերջին գրոհը եկեղեցու դեմ
Նիկոլ Փաշինյանին հավատարմության երդում տված տիրադավ եպիսկոպոսները հայտարարություն են տարածել՝ կոչ անելով հավաքվել Մայր Աթոռում ու պահանջել կաթողիկոսի հրաժարականը։ Ըստ եպիսկոպոսների՝ վերջին ժամանակներում Հայ Առաքելական մեր Սուրբ Եկեղեցու շուրջ տեղի ունեցող վտանգավոր զարգացումները այլևս հատել են այն սահմանագիծը, որով կարող են անդառնալի վնաս հասցնել թե՛ Եկեղեցուն, թե՛ Պետությանը և թե՛ հավատավոր ժողովրդին։ «Եկել է ժամանակը, որպեսզի մենք՝ հոգևոր դասը և հավատացյալները, կարողանանք անկեղծ լինել միմյանց հետ և խոստովանել, որ անցնող տարիների ընթացքում մեր ձայնը ոչ միայն լսելի չի եղել Եկեղեցում, այլև որևէ էական, որոշիչ ազդեցություն չենք ունեցել Եկեղեցու առաքելության իրականացման մեջ»,– նշել են նրանք։ Ըստ եպիսկոպոսների՝ Մայր Եկեղեցու այսօրվա անմխիթար վիճակը սպառնալիք է ստեղծում նաև մեր ազգային և պետական անվտանգային շահերին։ «Պատմության առջև յուրաքանչյուրս պատասխանատու ենք մեր կայացրած որոշումներով և գործերով»,– ասվում է հայտարարությունում։
Այսօր երեկոյան հավաք է լինելու Մայր Աթոռ Սուրբ Էջմիածնում՝ Ամենայն Հայոց Կաթողիկոս Գարեգին Բ-ին հրաժարականի կոչ անելու պահանջով։ Կաթողիկոսին հավատարիմ թեմերն ու հոգևորականները, նաև ընդդիմադիրների մի մեծ խումբ այդ հայտարարությունից հետո որոշել են հավաքվել Մայր Աթոռում՝ հակընդդեմ ակցիայով։ Չի բացառվում, որ բախումներ լինեն։
«Փաստի» տեղեկություններով՝ Նիկոլ Փաշինյանը հակաեկեղեցական ակցիայի համար կրկին դիմել է հին ու «սիրելի» մեթոդին։ Պետական համակարգի աշխատողների հաշվին փորձ է արվում ապահովել մասնակցություն և անհրաժեշտ թվաքանակ՝ վարչական ռեսուրսի կիրառմամբ։
Ներքին գործերի նախարարությունն էլ վաղ առավոտյան մի սպառնալիք է տարածել՝ Մայր Աթոռ Սուրբ Էջմիածնում այսօր կայանալիք ակցիայի և ժամերգության ֆոնին «հորդորել զերծ մնալ հակաիրավական, սադրիչ գործողություններից, հարգել այլոց իրավունքները, չտրվել սադրանքների, ենթարկվել հասարակական կարգի պահպանություն իրականացնող ոստիկանության ծառայողների օրինական պահանջներին»։ «Հակաօրինական ցանկացած դրսևորում արժանանալու է համապատասխան քրեաիրավական գնահատականի»,– ասվում է ՆԳՆ հայտարարության մեջ։ Փաշինյանը, փաստացի, անցել է «ռուբիկոնը» ու հենց այսօր գնում է վճռական գործողությունների։ Թե ինչպես կպատասխանի հանրությունը, պարզ կլինի երեկոյան։
Աննա Մարգարյան
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Եվս մեկ անգամ վարչախմբին հորդորում ենք` ձեռքներդ հեռու՜ ՀՀ հիմնադիր փաստաթղթից. ՀայաՔվե
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
