Հայաստանյան արևմտամետների մեջ կրկին սև կատու է անցել
Հայաստանյան արևմտամետ քաղաքական ուժերի մեջ հերթական անգամ սև կատու է անցել։ Մեր աղբյուրի փոխանցմամբ, այսպես կոչված, «Եվրաքվեն» ընտրություններին չի մասնակցի դաշինքի կազմով, իսկ դրա մաս կազմող կուսակցությունները ընտրությունների գնալու են առանձին-առանձին։
Ընդ որում, պատճառը «Հանրապետություն» կուսակցության առաջնորդ Արամ Զավենի Սարգսյանի բուռն ցանկությունն է ընտրություններին մասնակցել բացառապես միայն իր սեփական կուսակցությամբ։ Բանն այն է, որ արևմտամետները հաշվարկել են, թե դաշինքով գնալու դեպքում չեն կարողանա հաղթահարել անհրաժեշտ 7 տոկոսը, որը պահանջվում է դաշինքների դեպքում, և պետք է մասնակցել մեկ կուսակցությամբ, որին կհաջողվի հաղթահարել նվազագույն շեմը։ Իսկ այդ պարագայում Արամ Զավենի Սարգսյանը չի ցանկանում այլ կուսակցությունների, կուսակցությունների ղեկավարների ներգրավել իր կուսակցության ընտրական ցուցակում, վստահ լինելով, որ իրեն կհաջողվի հաղթահարել նվազագույն շեմը, և պատգամավորներ կդառնան միայն իր կուսակցության անդամները։
«Հանուն հանրապետության» կուսակցությունն էլ ստիպված կլինի ընտրություններին մասնակցել միայնակ, բայց այդ պարագայում Արման Բաբաջանյանին կրկին չի հաջողվի հայտնվել խորհրդարանում։ Այժմ արևմտյան դեսպանատներն ու կառույցները փորձում են շփման ընդհանուր եզրեր ստեղծել, որպեսզի արևմտամետները մասնակցեն մեկ կուսակցության ցուցակով, բայց Արամ Սարգսյանը կտրականապես դեմ է և պահանջում է, որ կամ իրեն հստակ երաշխիքներ տան դաշինքով մասնակցելու դեպքում խորհրդարան անցնելու վերաբերյալ, նաև համապատասխան ֆինանսավորում, կամ էլ չխանգարեն և թողնեն, որպեսզի «Հանրապետություն» կուսակցությունը ու հայտնվի խորհրդարանում։
Ընդ որում, Վաղարշապատի ընտրություններից հետո վատթարացել են հարաբերությունները նաև Վաղարշապատում իրենց թեկնածուի և նրա թիմի հետ։ Չկարողանալով անցնել Վաղարշապատի ավագանի՝ Արամ Սարգսյանը չի ցանկանում Հարություն Մկրտչյանի և նրա աջակիցներին ներգրավել իր կուսակցության ընտրական ցուցակում, որտեղ գրելու է բացառապես իր կուսակցության հին անդամների անունները։
Աննա Մարգարյան
GTB Development ընկերությունը դարձել է Հայաստանի պետական սիմֆոնիկ նվագախմբի 21-րդ համերգաշրջանի գլխա...
Պայծառ կապույտ մազեր և փիրսինգ. Նորթ Ուեսթը զարմացրել է Փարիզի նորաձևության շաբաթվա հանդիսատեսին
«Քրիստոնեական համերաշխություն» միջազգային իրավապաշտպան կազմակերպությունը խոր մտահոգություն է հայտնու...
ԶՊՄԿ-ում շարունակվում են աշխատակիցների ատեստավորման և վերապատրաստման ծրագրերը
«Ոչ միայն անհնար է, այլև չեն էլ հավակնում դառնալ ամբողջ Հայաստանի և բոլոր հայերի իշխանությունը». «Փա...
Գեղարքունիքի մարզում` Գեղամավան գյուղի մուտքի մոտ, բшխվել են «Audi»-ն և «Lada»-ն․ 9 վիրավnրից 2-ն ան...
«Ինտերը» նոր պայմանագիր կնքեց Մխիթարյանի հետ
21-րդ դարի Հայոց Ազգային Բանակը պետք է դառնա հզոր, անվտանգ և ինքնիշխան Հայաստանի հիմնասյունը․ Խաչիկ ...
Փաշինյանի գլխավորությամբ քննարկվել է «Կոնդ» թաղամասի քաղաքաշինական հայեցակարգը
Ընտրությունը «ջրեց» նաև հակառուսականության միֆը. «Փաստ»
