Սիրիայում բախումներ են տեղի ունեցել կառավարական զորքերի և ֆրանսիացի «զինյալների» միջև․ Al Arabiya
Սիրիայի հյուսիս-արևմուտքում՝ Իդլիբի Հարեմ շրջանում, գիշերը բախումներ են տեղի ունեցել սիրիական անվտանգության ուժերի և ֆրանսիացի «զինյալների» միջև, հաղորդում է «Al Arabia»-ն։
Սիրիական անվտանգության ուժերը շրջապատել են ճամբարը, որտեղ թաքնվում են ֆրանսիացի «զինյալները», հավելել է թղթակիցը: Աղբյուրների համաձայն, Հարեմում գտնվող ճամբարի դեմ ուղղված գործողությունը կապված է Սիրիայի կառավարության կողմից հետախուզվող ֆրանսիացի «զինյալներին» արտահանձնելու ջանքերի հետ: Ճամբարում գտնվող հայտնի «ֆրանսիացի ծայրահեղականի»՝ Ջիբրիլ ալ-Մուհաջիր մականունով, որդին AFP-ին ասել է, որ «բախումները սկսվել են կեսգիշերից հետո և դեռ շարունակվում են»:
Ալ-Մուհաջիրն ասել է, որ Ֆրանսիայի կառավարությունը պահանջել է, որ «այդ խմբավորման երկու ֆրանսիացի քաղաքացիներ հանձնվեն» սիրիական իշխանություններին։ Հարեմի շրջանի բնակիչը, որտեղ գտնվում է թուրքական սահմանի մոտակայքում տեղակայված ճամբարը, AFP-ին ասել է, որ երեքշաբթի օրվանից տեսել է, թե ինչպես են կառավարական զորքերը լրացուցիչ ուժեր բերում տարածք և լսել է պայթյուններ:
Օտարերկրյա ծայրահեղականների «Ֆիրկատուլ Ղուրաբա» խումբը գլխավորում է Օմար Օմսենը, որը հայտնի է նաև որպես Օմար Դիաբի, նախկին ֆրանկո-սենեգալցի հանցագործ, որը դարձել է քարոզիչ։
2016 թվականի սեպտեմբերին Միացյալ Նահանգները Դիաբիին, որը կասկածվում էր ֆրանսախոս գրոհայիններին Սիրիա տեղափոխելու մեջ, հայտարարել է «միջազգային ահաբեկիչ»։ Նա նաև հետախուզվում է ֆրանսիական ձերբակալման օրդերով։ Ֆրանսիական անվտանգության աղբյուրները նախկինում AFP-ին հայտնել էին, որ հավանաբար խմբում կա մոտ 50 զինյալ։
Միգրանտներ եվրոպական ապագայի դիմաց. ի՞նչ գին է պատրաստ վճարել Հայաստանը
Պայմանագրային զինծառայող Սերգեյ Հովհաննիսյանը նույնպես ազատվել է աշխատանքից իր հոր՝ «Ուժեղ Հայաստան...
«Հայ Վիրտուոզներ» ծրագրի պատանի երաժիշտները ելույթ ունեցան COP17-ին
Ես Երևանում եմ, բայց Բաքվում մեր հայրենակիցներն ամբողջությամբ մեկուսացված են. Գագիկ Ծառուկյան
Ըմբոստ «պայքարող տղու» կերպարից մինչև իշխանական հովանոց. Առուշ Առուշանյանի քաղաքական փոշիացումն ու Գ...
Մեզ ոչ ոք չի կանգնեցնի. Ստեփանավանում փոփոխություններ բերելու ճանապարհին. տեսանյութ
Գազամատակարարման պլանային դադարեցումներ կլինեն Երևանում և մարզերում
Միակն այս դիմակայության պատմության մեջ․ Ինտերը՝ Մխիթարյանի և Շախտյորի դեմ հատուկ խաղի մասին
5000 դրամի փոխարեն 20 000 դրամ. ՆԳՆ–ն էլ ավելի կխստացնի տուգանքները
Հանքարդյունաբերությունը փոխում է դեմքը. ի՞նչ է սպասվում Հայաստանի ընդերքին. «Փաստ»
