ՀԱՄԱՍ-ը մեղադրել է իսրայելական ուժերին հրադադարը խախտելու համար
Պաղեստինյան ՀԱՄԱՍ շարժումը մեղադրել է Իսրայելի պաշտպանության ուժերին Գազայի հատվածում հրադադարի համաձայնագիրը խախտելու համար: «Արմենպրես»-ի փոխանցմամբ՝ այս մասին Telegram ալիքում հայտարարել է ՀԱՄԱՍ-ի խոսնակ Հազիմ Կասսամը։
«Իսրայելական բանակի կողմից այսօր առավոտյան Գազայի մի քանի բնակիչների սպանությունը օդային և հրազենային հարվածների միջոցով հրադադարի համաձայնագրի խախտում է։ Մենք կրկին կոչ ենք անում բոլոր կողմերին վերահսկել Իսրայելի գործողությունները և ապահովել, որ նա չխուսափի միջնորդների առջև իր պարտավորություններից՝ Գազայի դեմ պատերազմի ավարտի վերաբերյալ»,- նշել է խոսնակը։
Al Jazeera-ի փոխանցմամբ՝ Գազայի Արտակարգ իրավիճակների ծառայության աղբյուրը հայտնել է, որ մի քանի պաղեստինցիներ վիրավորվել են իսրայելական բանակի կրակից Գազայի հատվածի հյուսիսում գտնվող Հալաուա շրջանում:
Բապտիստական հիվանդանոցը հայտարարել է Գազա քաղաքի արևելքում գտնվող Շուջայիա թաղամասում իսրայելական ուժերի կողմից հինգ պաղեստինցիների զոհվելու մասին։
Նասեր բժշկական համալիրն իր հերթին հայտնել է, որ երկու պաղեստինցի է վիրավորվել իսրայելական ուժերի կողմից Գազայի հատվածի հարավում գտնվող Խան Յունիս քաղաքում արձակված կրակոցների հետևանքով։
Իսրայելական բանակն իր հերթին պնդել է, որ կրակ է բացել «Գազայի հատվածում դեղին գիծը հատելու փորձ կատարող կասկածյալների» ուղղությամբ։
«Փորձեր են արվել կասկածյալներին հեռացնելու համար։ Կասկածյալները չեն ենթարկվել և շարունակել են մոտենալ զորքերին, որոնք կրակ են բացել՝ սպառնալիքը վերացնելու համար։ Իսրայելի պաշտպանության բանակը կոչ է անում Գազայի բնակիչներին հետևել հրահանգներին և չմոտենալ տարածքում տեղակայված զորքերին», - նշվել է հայտարարության մեջ։
Պաղեստինյան աղբյուրները նաև հայտնել են, որ հոկտեմբերի 14-ի առավոտից Գազայի հատվածի հյուսիսում բախումներ են տեղի ունենում Ներքին գործերի նախարարությանը կից անվտանգության աշխատակիցների և իսրայելական ուժերի միջև։
Բացի այդ, ըստ հրապարակումների՝ Իսրայելի ուժերը լուսաբացին ներխուժել են Արևմտյան ափի Նաբլուս և Տուբաս քաղաքներ՝ թիրախավորելով վերջերս փոխանակման շրջանակներում ազատ արձակված մի շարք բանտարկյալների տները։
Միգրանտներ եվրոպական ապագայի դիմաց. ի՞նչ գին է պատրաստ վճարել Հայաստանը
Պայմանագրային զինծառայող Սերգեյ Հովհաննիսյանը նույնպես ազատվել է աշխատանքից իր հոր՝ «Ուժեղ Հայաստան...
«Հայ Վիրտուոզներ» ծրագրի պատանի երաժիշտները ելույթ ունեցան COP17-ին
Մեզ ոչ ոք չի կանգնեցնի. Ստեփանավանում փոփոխություններ բերելու ճանապարհին. տեսանյութ
Գազամատակարարման պլանային դադարեցումներ կլինեն Երևանում և մարզերում
Ըմբոստ «պայքարող տղու» կերպարից մինչև իշխանական հովանոց. Առուշ Առուշանյանի քաղաքական փոշիացումն ու Գ...
Ես Երևանում եմ, բայց Բաքվում մեր հայրենակիցներն ամբողջությամբ մեկուսացված են. Գագիկ Ծառուկյան
5000 դրամի փոխարեն 20 000 դրամ. ՆԳՆ–ն էլ ավելի կխստացնի տուգանքները
Միակն այս դիմակայության պատմության մեջ․ Ինտերը՝ Մխիթարյանի և Շախտյորի դեմ հատուկ խաղի մասին
Հանքարդյունաբերությունը փոխում է դեմքը. ի՞նչ է սպասվում Հայաստանի ընդերքին. «Փաստ»
