ՊԵԿ աշխատողը արտադրական նշանակության շինություն ունի. «Փաստ»

«Փաստ» օրաթերթը գրում է.

ԿԱ ՊԵԿ Նախաբացթողումային հսկողության վարչության Գուգարքի տարածաշրջանային բաժնի Բագրատաշենի բաժանմունքի պետ Գևորգ Սարիբեկյանը, ով ամռանն է նշանակվել այս պաշտոնում, Բարձրաստիճան պաշտոնատար անձանց էթիկայի հանձնաժողովին ներկայացրել է իր գույքի և եկամուտների հայտարարագիրը:

Պաշտոնը ստանձնելու օրվա պահին Սարիբեկյանի սեփականությունն են հանդիսացել բնակարանն ու արտադրական նշանակության շինությունը: Ավտոմեքենա նույնպես ունեցել է՝ «KIA SPORTAGE 2.7 L» մակնիշի:

Փոխառությունները պաշտոնը ստանձելու օրվա դրությամբ կազմել են 400 հազար դրամ, իսկ դրամական միջոցները՝ 500 հազար դրամ: Եկամուտների աղբյուր է ծառայել աշխատավարձը, որը կազմել է 1 միլիոն 506 հազար դրամ:

Հիշեցնենք, որ վերջերս նշված կառույցի այդ բաժինը դատական քաշքշուկների մեջ էր հայտնվել: Մասնավորապես՝ քննությամբ պարզվել էր, որ Բագրատաշենի բաժանմունքի աշխատակիցները չարաշահել են իրենց պաշտոնեական դիրքը և մի շարք տնտեսվարողների թույլ տվել առանց անհրաժեշտ մաքսային ձևակերպումների ապօրինի ճանապարհով ներկրել առևտրային քանակի միրգ–բանջարեղեն, այդ թվում` ադրբեջանական ծագման խնձոր:

Շարունակությունը՝ «Փաստ» օրաթերթի այսօրվա համարում