Բելինգեմը կրկնել է Ռոնալդուի ցուցանիշը «Ռեալում»
Մադրիդի «Ռեալի» նորեկ Ջուդ Բելինգեմը կրկնել է Արքայական թիմի նախկին հարձակվող, պորտուգալացի Կրիշտիանու Ռոնալդուի ցուցանիշն Իսպանիայի առաջնությունում։
Անգլիացի կիսապաշտպանը Իսպանիայի առաջնության առաջին երկու հանդիպումներում դարձել է գոլերի հեղինակ։
Առաջին տուրում «Ռեալը» 2:0 հաշվով հաղթել էր Բիլբաոյի «Աթլետիկին», Բելինգեմը մեկ գոլ էր խփել, երկրորդ տուրում իտալացի Կառլո Անչելոտիի գլխավորած թիմը 3:1 հաշվով պարտության էր մատնել «Ալմերիային», Բելինգեմը դարձել էր դուբլի եւ գոլային փոխանցման հեղինակ։
Ռոնալդուից հետո Բելինգեմը «Ռեալում» դարձել է առաջին խաղացողը, որը Լա Լիգայում նորամուտը նշել է առաջին երկու խաղերում խփած գոլերով։
2009 թվականին «Ռեալ» տեղափոխվելուց հետո Ռոնալդուն Լա Լիգայում գոլ էր խփել առաջին չորս հանդիպումներում անընդմեջ։
Բելինգեմն այս ամռանը Դորտմունդի «Բորուսիայից» է տեղափոխվել «Ռեալ» 103 միլիոն եվրոյի դիմաց։ 20-ամյա ֆուտբոլիստի պայմանագիրը նախատեսված է մինչեւ 2029թ․ հունիս։