23.Հունվար.2021
Նիկոլը իմ տղային սպանեց, բայց ես ուզում եմ, որ Մայրամիկը, Աշոտիկը, Շուշանը, Արփին ապրեն ու երջանիկ լինեն Պայթյունի ձայնն ուժեղ է լինելու. Արցախի ԱԻՊԾ Ուղիղ. Նոր բացահայտումներ Աննա Հակոբյանի մասին եւ Փաշինյանի հայտարարությունը. Փոստանջյանի ասուլիսը ՈՒղիղ. Թուրքագետ Ռուբեն Մելքոնյանը՝ Շուշիի մասին Փաշինյանի աղմկահարույց հայտարարության մասին
ԱՄՆ դրոշով երիտասարդը` Մոսկվայի ցուցարարների ... Շուշիի բնակչության թիվը 19-րդ դարից ի վեր. Նի... Հունվարի 24-ի Ձեր աստղագուշակը Բժիշկ. Իշխանությունները մտադիր են ներկրել պատ... «Արարատ-Արմենիայի» հերթական նորեկն արտերկրից ... «Սողալով հասել եմ գետին, որ գոնե ջուր խմեմ». ... Եթե Նիկոլ Փաշինյանը սա ասեր նոյեմբերի 1-ին, հ... Տո անամո՜թ, բա ինչի՞ էիր 2017-ին Արցախում Շու... Նիկոլ Փաշինյանն ամբողջությամբ Աննա Հակոբյանի ... Փետրվարի 1-ից Վրաստանը կվերականգնի կանոնավոր ... Իրավաբանների, գիտնականների, մշակույթի եւ արվ... Նիկոլը իմ տղային սպանեց, բայց ես ուզում եմ, ո... «Պարզապես մեզ մի քիչ ժամանակ տուր, խնդրում եմ... Ջալալ ջան, ասելիք չունե՞ս, Ջալալ ջան ո՞ւր ես,... Ծնվել է հերոս Հովիկ Վարդանյանի դուստրը Նիկոլ անունով էս մեր ախպերը վերջին բառերով հա... Զոհվել է ռուս զինծառայող Պայթյունի ձայնն ուժեղ է լինելու. Արցախի ԱԻՊԾ Ուղիղ. Նոր բացահայտումներ Աննա Հակոբյանի մասի... Արսեն Թորոսյանը ստեղծել և ղեկավարել է ոստիկան... Զգացեք գոմերի տարբերությունը. Արմեն Աշոտյան Ռուսաստանը չպետք է մարսի Արցախն ու Նախիջեւանը... Մենք չենք հասկանում` ինչի համար ենք Ղարաբաղի... Ֆիզուլիում հայտնաբերվել է ևս 5 զինծառայողի աճ... ՈՒղիղ. Թուրքագետ Ռուբեն Մելքոնյանը՝ Շուշիի մա...

Ադրբեջանցիները 2-3 անգամ փորձել են գյուղ իջնել, ուզում են նոր դիրքեր գրավել Ամարասի դիմաց․ վանքի վանահայր

Զինադադարից հետո 2-3 անգամ փորձել են գյուղ իջնել, առաջ գալ իրենց դիրքերից. ադրբեջանական զինվորները տեղակայված են Ամարասի դիմաց՝ Ջիվանի գյուղի սարի վրա։ Փորձում են նոր դիրքեր գրավել՝ մինչեւ վերջնական սահման գծելը։ Դա նրանց համար ռազմավարական նշանակություն ունի։ Yerkir.am-ի հետ զրույցում այս մասին ասաց Արցախի թեմի Ամարասի վանքի վանահայր Հոգեշնորհ Տ. Գեղարդ աբեղա Հովհաննիսյանը:

Ամարասի վանական համալիրը գտնվում է Արցախի Մարտունու շրջանի Մաճկալաշեն գյուղում։ Մարտունու շրջանը երբեք ադրբեջանական տարածք չի եղել, նշում է հայր Գեղարդը, եւ քանի որ Մարտունու տարածքի 25-30 տոկոսը գրավված է թշնամու կողմից, ադրբեջանական զորքն այնքան է մոտեցել Ամարասին, որ այն փաստացի դարձել է սահմանագիծ։

Անվտանգության առումով՝ վանքն այս պահին բավականին խոցելի է։ Այս առնչությամբ վանահայրն իր մտահոգություններն է հայտնում․ «Իմ խնդրանքն է՝ ռուսական պոստ կամ ռուս խաղաղապահների հերթափոխ լինի Ամարասում։ Առավոտյան գնում եմ, երեկոյան՝ վերադառնում, բայց վանահայրը պետք է մնա վանքում, իսկ այստեղ գիշերելը վտանգավոր է։ Թուրքի համար հոգեւորական սպանելը, գերի վերցնելը հերոսության նման մի բան է։ Մենք ուզում ենք բացառել նույնիսկ գիշերը հանկարծակի վանք մտնելու, վախեցնելու մտայնությունները։ Ուստի ասել եմ՝ մինչեւ Ամարասի մոտ ռուսական պոստ կամ խաղաղապահների հերթափոխ չլինի, ես անձնապես վանքում չեմ գիշերելու»։

Վանահայրը նշում է, որ վանքում գիշերակացն ապահովելու համար արդեն դիմել են ռուսական կողմին, խնդրել ռուսական հենակետ կամ գիշերային հերթափոխ սահմանել։ Այս պահին Ամարասում մեր զինվորներն են հերթապահություն իրականացնում։ Վանքի վրա ռուսական դրոշ է դրվել։ Հայր Գեղարդի խոսքով՝ այս ընթացքում ռուսական կողմից բարձրաստիճան զինվորականներ եւ հոգեւորականներ են եկել, քաջալերող խոսքեր ասել, թե՝ մտահոգվելու պատճառ չկա, եկեղեցու վրա ռուսական դրոշ կա տեղադրված։

«Մի քանի անգամ ռուս խաղաղապահներ եկան, ապա՝ հայր Բորիսը, հայր Անդրեասը, նախագահի հետ անգամ Մուրադովը եկավ։ Տեսել են իրավիճակը։ Հայր Բորիսն ասաց՝ եթե Ամարասի վրա ռուսական դրոշ կա, ուրեմն այն ռուսական կոնտինգենտ է, եթե անգամ մեկ փամփուշտ գա ձեր ուղղությամբ՝ կնշանակի պայմանավորվածության խախտում, ինչի համար ադրբեջանական կողմը պետք է պատասխան տան»,- պատմում է հայր Գեղարդը։

Ամարասի վանքի դռներն այս պահին բաց են, բայց վանահայրը զգույշ լինելու կոչ է անում, ուխտավորներին հորդորում՝ գիշերը չգան, ուշ ժամի չգան, տարածքում երկար չպտտվեն. թուրքին չի վստահում։ Բացի այդ, ըստ հայր Գեղարդի, տարածքում ռումբերի ու արկերի հեռացման խնդիր կա:․ «Ռուսները դեռ պետք է գան, մաքրեն։ Շատ հաճախ ժողովրդին խորհուրդ ենք տալիս եկեղեցի չգալ, տարածքում չպտտվել»,- ասում է նա։

Ըստ վանահոր՝ անվտանգության հարցերը կարգավորելուց հետո Ամարասի վանական համալիրը կունենա մի քանի միաբաններ, որոնք կգիշերեն վանական համալիրում։ Որոշումը կայացվել է Գարեգին Բ կաթողիկոսի հրամանով եւ հորդորով։

Ավելին՝ այստեղ

website by Sargssyan