«Մանչեսթեր Յունայթեդի» ֆուտբոլիստը՝ Պրեմիեր լիգայի պատմության ամենաարագ դուբլի հեղինակ
«Մանչեսթեր Յունայթեդի» շոտլանդացի կիսապաշտպան Սքոթ Մաքթոմինեյը, դուբլի հեղինակ դառնալով «Լիդս Յունայթեդի» դեմ Անգլիայի առաջնության 14-րդ տուրի խաղում (6:2), սահմանել է ռեկորդ, փոխանցում է Opta Sports-ը:
24-ամյա շոտլանդացին Պրեմիեր լիգայի պատմության առաջին ֆուտբոլիստն է, որը 2 գոլ է խփում խաղի մեկնարկային 3 րոպեներին: 2-րդ րոպեին Մաքթոմինեյը բացել էր հաշիվը, իսկ հաջորդ րոպեին խփել նաև երկրորդ գոլը:
Սքոթ Մաքթոմինեյը Պրեմիեր լիգայում գոլերի հաշիվը բացեց հենց «Լիդսի» դեմ խաղում: Անգլիայի ընթացիկ առաջնությունում նա անցկացրել է 11 հանդիպում: