20.Սեպտեմբեր.2020
Էլեկտրաէներգիայի երկարատև անջատումներ կլինեն Երևանում և 5 մարզերում Առաջիկայում ևս սահմանին սադրանքների մեծ ռիսկը կպահպանվի․ Տիգրան Աբրահամյան Սեպտեմբերի 21-ին Երևանի օդում թռիչքներ կիրականացնեն զինված ուժերի ինքնաթիռները ՀՀ պաշտպանության նախարարը և ԶՈՒ գլխավոր շտաբի պետը մասնակցել են հավաքների ամփոփմանը
Նիկոլապետության միլիցիան երեկվա իմ գրառման վե... Արարատի մարզում մեծ շուքով նշվեց «Բերքի տոնը.... Մահացել է Նորայր Դավիդյանցը Հանդիպում «Բարգավաճ Հայաստան» կուսակցության Ա... Հաստատվել է կորոնավիրուսի 277 նոր դեպք Մատենադարանի հարակից տարածքում խոշոր հրդեհի պ... «Սուրբ Գևորգի տոնը». Բացառիկ մանրամասներ «Նույնիսկ բարև չենք տալիս իրար». Լուսինե Թովմ... Հայաստանի իշխանություններն Ալիևին պատասխան չո... Հայտնի է սեպտեմբերի 11-ի ահաբեկչության հեղինա... Հանձնաժողովի անդամին կարող են հեռացնել. ինչպե... Ինչու են ծածկում հայելիները, երբ մարդ է վախճա... Ինչի համար են ձեռքի վրա կրում 7 հանգույցով Կա... «Նրա գուշակությունները նույնությամբ կատարվեցի... Աղջիկնե՛ր, սա ձեզ հաստատ պետք կգա. տղամարդու ... Ինչպիսի կանանց են ձգտում հորոսկոպի տարբեր նշա... Արծաթը առանց պատճառի չի սևանում. սա պետք է իմ... Խոսքեր, որոնք պետք է ասել հայելու առաջ, որպես... Նման պրիմիտիվ քայլերը նրանց չեն փրկելու. Արմե... COVID-19-ով պայմանավորված նոր սահմանափակումնե... Էլեկտրաէներգիայի երկարատև անջատումներ կլինեն ... Առաջիկայում ևս սահմանին սադրանքների մեծ ռիսկը... Նման պրիմիտիվ քայլերը նրանց չեն փրկելու. Արմե... Նավթի գներն աճել են Գազ չի լինի նշված հասցեներում

Newmag-ը կհրատարակի ֆրանսիացի գրող Վալերի Մանտոյի՝ Հրանտ Դինքի կյանքի մասին պատմող «Ակոս» վեպի հայերեն թարգմանությունը

2020 թվականի սեպտեմբերի 15-ին լրանում է պոլսահայ լրագրող, «Ակօս» թերթի հիմնադիր և նախկին խմբագիր Հրանտ Դինքի ծննդյան 66-ամյակը․ ի նշանավորումն Դինքի հոբելյանի՝ Newmag-ը կհրատարակի հայտնի լրագրող Վալերի Մանտոյի՝ Դինքի կյանքի մասին պատմող «Ակոս» վեպի հայերեն թարգմանությունը։ Վեպի թարգմանությունն ու հրատարակումն իրականացվում է Հայաստանում Ֆրանսիայի դեսպանության և Ֆրանսիական ինստիտուտի աջակցությամբ:

Ֆրանսիական «Charile Hebdo» երգիծական ամսագրի նախկին աշխատակից, լրագրող և սյունակագիր 35-ամյա Վալերի Մանտոյի Le Sillon գրքի հիմքում պոլսահայ լրագրող Հրանտ Դինքի կյանքն է։

Կենսագրական պատմության և հուշագրության տարրեր պարունակող վեպը 2018 թվականին արժանացել է ֆրանսիական ամենաբարձր գրական մրցանակներից մեկին՝ «Ռենոդո» մրցանակին:

«Երբ առաջին անգամ կարդացի Վալերի Մանտոյի «Ակոս» գիրքը, այնքան տպավորված էի, որ որոշեցի՝ այն կլինի 2018 թվականի օգոստոսին և սեպտեմբերին մեր անկախ հրատարակչության՝ Le Tripode-ի կողմից տպագրվող միակ գիրքը: Մի քանի ամիս անց գիրքն արժանացավ Ֆրանսիայի ամենահեղինակավոր գրական մրցանակներից մեկին՝ «Ռենոդո»-ին»,- գրքի մասին ասել է Le Tripode հրատարակչության տնօրեն Ֆրեդերիկ Մարտինը։

Նրա խոսքով՝ «գիրքը կարելի է բնորոշել և՛ որպես ֆեմինիստական տեքստ, և՛ Արևելքի և Արևմուտքի միջև լարվածության էսսեիստական մտորում», իսկ գրքի հաջողության գրավականը, ի թիվս այլ հատկանիշների, «սիրային պատմության միաձուլումն է ժողովրդավարությունը պոպուլիզմից պաշտպանելու ձգտմանը՝ արտասովոր մարդու ՝ Հրանտ Դինքի կերպարի միջոցով»։

Գիրքը հայերեն է թարգմանում Սամվել Գասպարյանը։ Թարգմանչի խոսքով՝ այն պատմում է ոչ միայն Հրանտ Դինքի, այլև ընդհանուր առմամբ Թուրքիայի՝ այդ երկրի քաղաքների և խնդիրների մասին։

«Կարծում եմ՝ գործ ունենք շատ հետաքրքիր գրողի հետ՝ ինչպես լեզվի, այնպես էլ մոտեցման տեսանկյունից։ Շատ գեղեցիկ, բառապաշարով հարուստ գիրք է։ Սա սովորական գիրք չէ, իսկապես արտառոց վեպ է՝ բնօրինակ կառուցվածքով և ներքին դինամիկայով»,- նշել է թարգմանիչը։

Գրքի թարգմանության առնչությամբ Ֆրանսիայի դեսպանատունը հանդես է եկել հայտարարությամբ, որում, մասնավորապես, ասվում է․ «Հայաստանում Ֆրանսիայի դեսպանատունը պատիվ ունի աջակցել «Newmag» հրատարակչության կողմից «Ակոս» գրքի հայերեն թարգմանությանն ու հրատարակմանը։ Գիրքը կթողարկվի 2021 թվականի հունվարին՝ ի նշանավորումն Հրանտ Դինքի սպանության տարելիցի»։

Հրանտ Դինքը սպանվել է 2007թ.-ի հունվարի 19-ին` Ստամբուլի Շիշլի թաղամասում գտնվող «Ակօս» թերթի խմբագրատան առջև` 16-ամյա թուրք ազգայնական Օգյուն Սամասթի կրակոցից: 

website by Sargssyan