Հաչիկո՝ ամենահավատարիմ ընկերը, կամ շուն, որ դեռ սպասում է
Հաչիկո՝ շուն, որն արժանահիշատակ է իր տիրոջ նկատմամբ նվիրվածությամբ և հավատարմությամբ, որ շարունակվել է բազում տարիներ տիրոջ մահից հետո։ Ճապոնիայում նա հավատարմության խորհրդանիշ է համարվում։
Oragir.live-ը ձեզ է ներկայացնում այս հավատարիմ և յուրօրինակ կենդանու պատմությունը:
Երբ հաչիկոյի խնամքը ստացավ պրոֆեսոր Ուենո Հիդեասբուրոն, նա մեծ սիրով շրջապատեց վերջինիս։ Շունը ամենուր հետևում էր իր տիրոջը։ Պրոֆեսորն ամեն օր գնում էր աշխատանքի, դրա համար էլ շունը ճանապարհում էր նրան իրենց մուտքից մինչև կայարան, այնուհետև երեկոյան վերադառնում էր այնտեղ՝ դիմավորելու տիրոջը։
Տարիներ անց պրոֆեսորը սրտի կաթված ստացավ, բժիշկները չկարողացան փրկել նրա կյանքը, և նա արդեն տուն չվերադարձավ։ Այդ ժամանակ Հաչիկոն տասնութ ամսական էր։ Այդ օրը նա այդպես էլ չդիմավորեց իր տիրոջը, սակայն նա սկսեց գնալ կայարան ամեն օր, համբերատար կերպով սպասելով նրան մինչ ուշ գիշեր։
Նա գիշերում էր պրոֆեսորի տան շքամուտքի մոտ։ Անգամ ուշադրություն չդարձնելով այն փաստին, որ իրեն փորձում էին իրենց տուն տանել պրոֆեսորի ընկերներն ու բարեկամները, նա շարունակում էր ամեն օր գնալ կայարան։ Տեղի առևտրականները և երկաթուղային աշխատողները կերակրում էին Հաչիկոյին, գնահատելով նրա համառությունը։
Շունը դարձավ հայտնի ամբողջ Ճապոնիայում 1932 թվականին Տոկիոյի հայտնի թերթերից մեկի հրապարակումից հետո. «Նվիրված ծեր շունը սպասում է իր տիրոջ վերադարձին, ով մահացել է յոթ տարի առաջ»: Պատմությունը հրապուրեց ճապոնացիների սրտերը, և բոլորը գնում էին կայարան տեսնելու շանը։ Որոշ ժամանակ անց նրան գտան մահացած։ Հաչիկոյին գտել են կայարանից ոչ հեռու գտնվող ճանապարհին։ Նրա մոտ հայտնաբերվել է վերջին շրջանի քաղցկեղ և սրտի ֆիլարիաներ: Նրա մահից հետո երկրում մեծ ռեզոնանսի տեսքով, հայտարարվեց սգի օր։
Նրա պատմությունն այնքան մեծ տարածում է գտել Ճապոնիայում, որ, ի պատիվ շան, բրոնզից քանդակ է պատրաստվել:
Այս պատմությունը ոգեշնչել է հազարավոր ռեժիսորների, ովքեր ուսումնասիրելով այս հետաքրքիր և արտասովոր դեպքը, նկարահանել են ֆիլմեր։ Հաչիկոյի պատմությունը արտացոլվում է երկու ամենահայտնի ֆիլմում՝ «История Хатико» և «Хатико: Самый верный друг»:
Այս պատմությունը կհասկանան նրանք, ովքեր չորքոտանի ընկեր ունեն: Նրանք շատ հավատարիմ են և զարմանալի ձևով են արտահայտում իրենց սերը: