Ազգային ժողովում մեկնարկել է արտահերթ նիստը.
![Ազգային ժողովում մեկնարկել է արտահերթ նիստը.](/timthumb.php?src=http://oragir.live/disc/21-10-20/9d644a857b906a5bcceacaa62ea60852.jpg&w=780)
ՀՀ Ազգային ժողովում մեկնարկել է արտահերթ նիստը: Հոկտեմբերի 21-ին գումարված նիստի օրակարգում ընդգրկված է հարկային ոլորտին առնչվող երկու օրենքի նախագիծ:
Պատգամավորներն առաջին ընթերցմամբ կքննարկեն «Ռազմական դրության ժամանակահատվածում հարկային արտոնություններ սահմանելու մասին» և «Հայաստանի Հանրապետության հարկային օրենսգրքում լրացումներ կատարելու մասին» Հայաստանի Հանրապետության օրենքների նախագծերը:
Հայաստանի Հանրապետությունում սեպտեմբերի 27-ից հայտարարվել է ռազմական դրություն՝ պայմանավորված Արցախի նկատմամբ Ադրբեջանի սանձազերծած լայնածավալ ռազմական գործողություններով: